Исфаһанда Ханым Мәсумәнин (с) виладәтинин илдөнүмү мүнасибәтилә “Гызлар Ҝүнү” Бајрамы кечирилди – Фото

Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, 11 Ијун 2021 тарихдә, Ҹүмә Ҝүнү, Исфаһанын Чаһарбағ паркында Ханым Фатимәи Мәсумәнин (сәламуллаһи әлејһа) виладәтинин илдөнүмү илә әлагәдар Гызлар Ҝүнү бајрамы гејд олунуб.

Чохлу гыз вә аналарын иштирак етдији мәрасимдә Гуран Кәримин ајәләри тилавәт олундугдан сонра Әһли Бејт (әлејһимус сәлам) мәддаһлары, шаир вә мусигичиләр һәзрәти Фатимәи Мәсумәнин (сәламуллаһи әлејһа)  шәнинә нәғмәләр охујуб, тәрифләр сөјләмишләр.

Билдирәк ки, Һәзрәти Фатимәи Мәсумә (сәламуллаһи әлејһа) Һиҹри Гәмәри тарихи илә Зил Гәдә ајынын 1-и, 173-ҹү илдә, Мәдинә шәһәриндә әзиз Ислам Пејғәмбәринин (сәлләллаһу әлејһи вә алиһ) нәвәси, Аллаһ Тәаланын јер үзүндә тәјин етдији 7-ҹи Хәлифәси, Имам Мусаи Казымын (әлејһи сәлам) евиндә дүнјаја ҝөз ачыб.

Гејд едәк ки,Һиҹри Гәмәри тарихинин 148-ҹи или Зил Гәдә ајынын 11-дә исә һәзрәти Имам Рзанын (әлејһи сәлам) анадан олан ҝүнүдүр. Бу мүнасибәт илә дә, Иран Ислам Республикасы бу он ҝүнү, јәни Зил Гәдә ајынын 1-дән 11-нә кими олан мүддәти “Кәрамәт Он Ҝүнлүјү” адландырыб. Вә бу мүнасибәт илә, һәзрәти Ханым Фатимәи Мәсумә вә Имам Рзанын һәрәмләриндә мүхтәлиф мәдәни-маариф програмлары иҹра олунур...

Диггәт: Хәбәрдән Истифадә Етдикдә Мәнбәјә Истинад Лазымдыр!