Имам Хаменеи ҹәнабларынын рәһбәрлијилә гылынан ҹүмә намазынын ҝөрүнтүләри - Фото

Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, бу ҝүн 17 јанвар 2020 тарихдә, Теһранын Ҹүмә Намазы Үмүдүнја Мүсәлманларынын Али Лидери һәзрәт Ајәтуллаһ Сејјид Зәли Хаменеинин имамлығы илә гылыныб.

Имам Хаменеи һәзрәтләри Ҹүмә Намазынын хүтбәләриндә өзүнү вә халгы даһа да тәгвалы олмаға дәвәт едиб. О, Америка ҹинајәткар дөвләти тәрәфиндән Ҝенерал Гасым Сүлејмани, Әбу Мәһди әл Мүһәндиси вә онларын јолдашларынын Ираг Һава Лиманы јахынлығында шәһадәтә јетирилмәсинә ишарә едиб. О, АБШ-ын Ирагда јерләшдирдији Ејнул Әсәд адлы ән бөјүк авиасија базасынын Ислам Ингилабы Кешикчиләри тәрәфиндән дармадағын едилмәсини Америкаја вахтында вурулан шиллә кими дәјәрләндирәрәк, әсил интигамын АБШ һәрбичиләринин Гәрби Асијадан чыхарылаҹағы тәгдирдә баш верәҹәјини вурғулајыблар.

Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы УССОҸОМ тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.

Гејд едәк ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.

Диггәт: Хәбәрдән истифадә етдикдә мәнбәјә истинад лазымдыр!