Ираг халгы Сәрдар Сүлејмани вә Әбу Меһди Мүһәндисинин террор едилдији јердә шәһидләри јад етдиләр – Фото

Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Ирагда Мүгавимәт Ҹәбһәсинә дәстәк оланлар, өтән ҝеҹә, Ҹүмә Ахшамы ҝенерал-лејтинат Һаҹ Гасым Сүлејмани, ҝенерал Әбу Меһди әл Мүһәндиси вә онларла бирликдә шәһид оланларын Бағдад бејнәлхалг һава лиманы кәнарында террор едилдикләри јердә топлашмышлар.

Мүгавимәт Ҹәбһәсинин дәстәкчиләри шәһидләрин уҹа руһларына дуалар вә Гуран Кәримдән сүрәләр охумушлар. Шәһидләрин хатирәләрини ананлар елан едәрәк билдиришләр ки, шәһидләрин ганындан кечмәјәҹәкләр.

Шәһидләри јад едәнләр һәмчинин вурғуламышлар: "Америка ҹинајәткар ордусу Ираг торпагларыны тәрк етмәлидир. Биз Аллаһын изни илә дүшмәнләрдән ағыр интигамымызы алаҹағыг."

Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы УССОҸОМ тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.

Гејд едәк ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.

Диггәт: Хәбәрдән истифадә етдикдә мәнбәјә истинад лазымдыр!