''Меһман Һүсејнов өлкәдәки ән пис ҹәзачәкмә мүәссисәсинә ҝөндәрилиб''

Һүгуг мүдафиәчиси, бир мүддәт әввәл һәбсдән азад олунмуш Рәсул Ҹәфәровса бу ҹәзачәкмә мүәссисәсини писләјир.
Бу барәдә өз “Фаҹебоок” сәһифәсиндә мәлумат пајлашан һүгуг мүдафиәчиси дејир: “Меһман Һүсејнов чохдан ләғв едилмәли олан 14 сајлы ҹәзачәкмә мүәссисәсинә көчүрүлүб. Орада һазырда башга сијаси мәһбус јохдур, ҝедиш-ҝәлиши чәтин јердир”.
14 сајлы Ҹәзачәкмә Мүәссисәсиндә һәбс һәјаты јашамыш, вахтилә бејнәлхалг тәшкилатларын сијаси мәһбус кими таныдығы шәхсләр Мејдан ТВ-ә фикирләрини бөлүшүб.
Мүәссисә 1050 нәфәр үчүн нәзәрдә тутулуб
Мүсават Партијасынын башган мүавини Јадиҝар Садыгов дејир ки, 14 сајлы Ҹәзачәкмә Мүәссисәси шәраитинә ҝөрә Азәрбајҹандакы ән пис ҹәзачәкмә мүәссисәси сајылыр:
“Чүнки 50 ил бундан әввәл истифадәјә верилмиш мүәссисәдир. Диҝәр тәрәфдән, әтрафы даш карханалары вә сәһра илә әһатә олунуб. Бир гәдәр күләк әсән кими орада ҝүҹлү тозанаг башлајыр, дустагларын үст-башы бүтүн тоз ичиндә олур. Һәтта тибби маскалар васитәсилә ҝәзирдик. Орада јатагхана системидир, камера системи дејил. Тәхминән 150 нәфәр инсанын јатдығы бөјүк јатагханалардыр. Чох дарысгалдыр. Мүәссисә 1050 нәфәр үчүн нәзәрдә тутулуб. Даим сыхлыг олур. Мән орада оланда сон ајларда дустаглар һәддиндән артыг чохалмышды. Буна ҝөрә дә чарпајылары сыхлашдырмаг мәҹбуријјәтиндә галмышдылар. Орада ән ҹидди проблемләрдән бири судур. Јај ајларында ҝүнләрлә су олмур. Хатырлајырам ки, 15 ҝүн су ҝәлмәмишди. Тәсәввүр един дә, тозун ичиндәсән вә су ҝәлмир. Ајагјолу һәддиндән артыг бәрбаддыр, үмумијјәтлә, бүтүн ҹәзачәкмә мүәссисәләриндә ејнидир, ијрәнҹ мәнзәрә вар. Нормал ҹәһәт ондан ибарәт иди ки, јатагханалар "комби" истилик системи илә тәҹһиз олунмушдулар. Гышда сојуг олмур. Мүәссисә рәһбәрлији кифајәт гәдәр адекват иди. Тибби хидмәт нормал сәвијјәдәдир. Ордакы һәкимләр мәндә хош тәәссүрат јаратдылар. Орада ҹидди нөгсан тәбии шәраит вә јерләшдији јердир. Дустаглары әсас нараһат едән тоз вә истидир. Тәсәввүр един, јајда азҹа да олса күләк әсмирди ки, бир аз сәринлик олсун”.
Мәһкумлар 40, 100, 120 нәфәрлик үмуми баракларда галырдылар
14 сајлы ҸЧМ-дә һәбс һәјаты јашајанлардан бири дә иҹтимаи фәал Бәхтијар Һаҹыјевдир. О да һесаб едир ки, бу мүәссисә Азәрбајҹанда ән ағыр шәраити олан һәбсханалардандыр:
“Әтрафда даш карханаларынын ишләмәси, јашыллығын олмамасы мәһкумларын бүтүн ҝүнү тоз вә исти күләк алтында галмасына сәбәб олурду. Үмуми ајагјолуларында натәмизлик тәсвиредилмәз дәрәҹәдә иди. Бәзән ҝүнләрлә мүәссисәдә су проблеми олурду, мәһкумлар әл-үз јумаг үчүн онлара аиләләри тәрәфиндән ҝөндәрилмиш ичмәли судан истифадә едирдиләр. Јај ајларында тозлу һәбсханада јујунмаг ваҹиб олса да, һамамдан истифадә һәфтәдә бир дәфә илә мәһдудлашырды. Хүсуси һалларда бир нечә дәфә истифадәјә иҹазә верилирди. Мәһкумлар 40, 100, 120 нәфәрлик үмуми баракларда, икимәртәбәли чарпајыларда јатырдылар вә ҝүндүзләр бу бараклардан истифадә, истираһәт вә отурмаг гадаған иди. Чох сајда мәһкумун ејни кичик баракда галмасы исә әлавә бир чәтинлик төрәдирди. Мән орада олдуғум мүддәтдә артыг һәбсханада тәмир ишләри башламышды, су проблеми һәлл едилирди. Инди һәмин проблемләрин нә гәдәр һиссәсинин һәлл олундуғуну дејә билмәрәм”.
Нәсими РПИ-нин рәиси Муса Мусајев Меһман Һүсејнову хүсуси иттиһам гајдасында мәһкәмәјә вериб. О, блоҝерин Ҹинајәт Мәҹәлләсинин 147.2-ҹи (бөһтан, ағыр вә ја хүсусилә ағыр ҹинајәтдә иттиһам етмәклә бөһтан атма) маддәси илә мәсулијјәтә ҹәлб олунмасыны вә ҹәзаланмасыны истәјиб. Мартын 3-дә Сураханы Рајон Мәһкәмәсинин һөкмү илә Меһман Һүсејнов 2 ил мүддәтинә азадлыгдан мәһрум едилиб. Блоҝер мәһкәмә залында һәбс олунуб. Блоҝерин апелјасија шикајәти тәмин олунмајыб.