Әһлибејт (ә) Хәбәр Аҝентлији - 27 апрелдә Сәбаил Рајон Мәһкәмәсиндә азадлиг.орҝ азадлиг.инфо, азербајҹансаати.ҹом, мејдан.тв сајтлары, Туран” телеканалы (Туран ТВ) вә “Азәрбајҹан сааты” телепрограмларынын блокланмасы илә бағлы иддиаја бахылыб. Нәглијјат, Рабитә вә Јүксәк Технолоҝијалар Назирлији јанында Електрон Тәһлүкәсизлик Мәркәзинин галдырдығы иддиа әризәси илә бағлы просес гурумун нүмајәндәсинин етибарнамә тәгдим етмәдијиндән тәхирә салыныб. Һаким Нурәддин Бағыровун сәдрлик етдији просесә журналистләр бурахылмајыб.
Медиа мүтәхәссиси Әләсҝәр Мәммәдли дејир ки, бу сајтларда гадаған олунмуш информасија јајылыбса, һөкумәт өнҹә јазылы хәбәрдарлыг етмәлидир.
Бағланмыш “Азадлыг” гәзетинин редактору Рөвшән Һаҹыбәјли билдирир ки, һөкумәт интернет әсриндә блокланмаја наил ола билмәјәҹәк. Алтернатив үсулларла журналистләр јенә ишләринә давам едәҹәкләр.
Нөвбәти мәһкәмә просес мајын 1-дә, саат 15:00-да кечириләҹәк.
