Әһлибејт (ә) Хәбәр Аҝентлијинин вердији мәлумата ҝөрә - Иран Ислами Шура Мәҹлисинин сәдри, Амкериканын нүвә разылашмасындансонра,Иранын бөлҝәдәки тутуму вә имканларынын артмасындан горхдуғуну билдирди.Дүнән ахшам Гум шәһәриндә гатылдығы бир телевизија програмында данышан Ислами Шура Мәҹлисинин сәдри Әли Лариҹани, Иран илә мүзакирәләрдә Америкалыларын әсл мәгсәдинин јалныз нүвә мәсәләси олмадығыны, Америкалыларынын дүшмәнлијинин Иран илә мәһдудлашмадығыны вә диҝәр бир чох өлкәни дә әһатә етдијини билдирди.
Трампын игтидара ҝәлмәси ардындан Америка илә диҝәр өлкәләр арасында баш верән проблемләрин Американын дахили проблемләриндән гајнагландығыны ифадә едән Лариҹани, АБШ башчысы Доналд Трампын виза гадағасы васитәсијлә бу өлкәнин дахили проблемләрини һәлл етмәјә чалышдығыны ифадә етди. Иранын сон 38 ил мүддәтиндә мүхтәлиф бејнәлхалг проссесләри тәҹрүбә етдијини вә һәр дөврдә мөвҹуд шәртләрә ујғун гәрарлар алмағы баҹардығыны ифадә едән Лариҹани, дүшмәнин Ирана зәрбә ендирмәк үчүн бәзән тәһрикедиҹи давранышларда олдуғуну амма Иранын нүвә мәсәләсини сојугганлылыгла тәгиб едәҹәјини сөјләди.
АБШ башчысы Ағ Евдә вәзифәјә ҝәлдији ҝүндән бәри Ираны тәһдид етмәкдәдир амма Иран дөвләти вә халгы хүсусилә Ислам Ингилабынын зәфәр ил дөнүмү ҝүнү нүмајиш вә јүрүшләрлә Америка рәһбәрлијинин бу тәһдидләринә лазым олан ҹавабы вердиләр.
Диггәт! Хәбәрдән истифадә етдикдә мәнбәјә истинад лазымдыр!
