Әһлибејт (ә) Хәбәр Аҝентлијинин вердији мәлумата ҝөрә-Дахили Ишләр Назирлијиндән верилән мәлуматда гејд олунур ки, 30 ҝүн мүддәтиндә инзибати һәбс олунмуш Сабунчу рајонунун Нардаран гәсәбә сакини Фаил Шаһбазовун гәсәбә әразисиндә 1 әдәд нөмрәси силинмиш, лүләси вә гундағы кәсилмиш ов түфәнҝи вә 1 әдәд "Ф-1" гумбарасы басдырдығы мүәјјән едилиб. Әмәлијјат Бакы Шәһәр Баш Полис Идарәсинин Ҹинајәт Ахтарышы Идарәси вә Сабунчу Рајон Полис Идарәсинин 42-ҹи Полис Бөлмәси әмәкдашлары тәрәфиндән апарылыб.
"Һәмин силаһ-сурсат басдырылдығы јердән чыхарылараг ҝөтүрүлүб", - мәлуматда дејилир. Фаил Шаһбазов нојабрын 23-дә Инзибати Хәталар Мәҹәлләсинин 535-ҹи маддәси (полис әмәкдашынын гануни тәләбләринә гәсдән табе олмама) илә иттиһам олунараг һәбс олунмушду. О, полис тәрәфиндән сахланыларкән вәкил Јалчын Иманов белә демишди: "Фаил Атабала оғлу Шаһбазов да даим бу мәһкәмә просесинә ("Нардаран иши"нә) ҝәлирди. Бу бахымдан, истисна олунмур ки, о да мәһкәмәјә ҝәләнләрә гаршы тәзјигләр контекстиндә ҹәзаландырылыб.
Диггәт! Хәбәрдән истифадә етдикдә мәнбәјә истинад лазымдыр!
