Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: "Хатәмүл-Әнбија" (с) Мәркәзи Гәрарҝаһынын команданы јајымладығы месажда гејд едиб: "Силаһлы гүввәләр һәрби дөјүшләрин сүкут шәраитиндә олдуғу бир вахтда, һәр һансы вәдин позулмасына лајигли шәкилдә ҹаваб верәҹәкләр."
Ҝенерал-мајор Әли Абдуллаһи чәршәнбә ахшамы, апрелин 21-дә, Ислам Ингилабы Кешикчиләри Корпусунун (СЕПАҺ) јарадылмасынын илдөнүмү (22 апрел) мүнасибәтилә ҝөндәрдији месажда јазыб: "Гәһрәман Иран халгы бу ҝүн СЕПАҺ-ын вә вәтәнин диҝәр мүдафиә гүввәләринин стратежи гүдрәти, һазырлығы вә һәртәрәфли имканлары илә фәхр едир; о гүввәләр ки, сарсыдыҹы вә дағыдыҹы ракет вә ПУА зәрбәләри илә сионист дүшмәни вә террорчу АБШ-ни чарәсизлијә вә түкәнмәјә сүрүкләјәрәк, онлары аҹизанә шәкилдә атәшкәс истәмәјә мәҹбур етдиләр."
Месажын давамында дејилир: "Иран халгы мејданларда вә күчәләрдә ҹошгун вә ҝениш иштиракы илә силаһлы гүввәләрә дәстәјини дајандырмајыб."
"Хатәмүл-Әнбија" (с) Мәркәзи Гәрарҝаһынын команданы вурғулајыб: "Иранын шүҹаәтли силаһлы гүввәләри, дөвләт вә шәрәфли, һејрәтамиз Иран халгы илә бирликдә, Силаһлы Гүввәләрин Али Баш Команданынын тәдбирләринә там табе олараг, ваһид вә һәмрәј шәкилдә дүшмәнин тәһдидләринә вә һәрәкәтләринә гәтијјәтли, һәлледиҹи вә дәрһал ҹаваб вермәјә һазырдыр."
Ҝенерал Абдуллаһи месажынын сонунда билдириб: "Силаһлы гүввәләр үстүн мөвгедә олараг, һәрби дөјүшләрин сүкут шәраитиндә, хүсусилә Һөрмүз боғазынын идарә едилмәси вә нәзарәтиндә АБШ-нин јаланчы вә хәјалпәрәст президентинә мејдандакы вәзијјәтдән суи-истифадә етмәјә вә јанлыш, јалан ссенариләр гурмаға иҹазә вермәјәҹәк вә һәр һансы вәдин позулмасына лајигли ҹаваб верәҹәкдир."
Sizin rəyiniz