Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Президент Иран һөкумәтинин халга сәмими хидмәт ҝөстәрмәк әзминдән данышараг билдириб: Мәктәб вә университетләрин һәдәф алынмасы өлкәнин инкишафыны дајандырмаға јөнәлиб. Онун сөзләринә ҝөрә, мүәллимләр шаҝирдләри абад вә инкишаф етмиш Иранын гурулмасына истигамәтләндирмәлидирләр.
Мәсуд Пезешкиан Тәһсил Назирлијиндә кечирдији мониторинг вә бахыш заманы назир вә назирлијин рәһбәр һејәти илә ҝөрүшдә мүәллим вә мәктәб рәһбәрләринин 40 ҝүнлүк мүһарибә дөврүндә тәдрисин давам етдирилмәси истигамәтиндәки фәалијјәтини јүксәк гијмәтләндириб. О вурғулајыб: Тәһсил өлкәнин дајаныглы инкишафынын әсас тәмәлләриндән биридир вә тәһсил-тәрбијә системинә ҹидди диггәт ҝөстәрилмәдән һәр һансы ислаһатын давамлы олмасы мүмкүн дејил.
Президент әлавә едиб ки, Иранын мүхтәлиф саһәләрдә ирәлиләјиш әлдә етмәси илә бағлы нараһатлыг өлкәјә гаршы дүшмәнчиликләрин әсас сәбәбләриндән биридир. Пезешкиан гејд едиб ки, Иранын инкишафы вә ҝүҹләнмәси бәзи даирәләри нараһат едир вә буна ҝөрә дә елм, мәктәб вә университетләр һәдәфә чеврилир.
Sizin rəyiniz