Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Мәшһур америкалы апарыҹы Такер Карлсон АБШ һөкумәтинин хариҹи сијасәти илә бағлы мүсаһибә вериб. Мүсаһибәнин бир һиссәси ашағыдакы кимидир:
Карлсон: Мән Трампа аҹыјырам, неҹә ки, бүтүн “көләләрә” аҹыјырам. О, бу анда үмумијјәтлә азад дејил ки, өзү вә ја өлкәси үчүн ән доғру һесаб етдији иши ҝөрсүн.
О азад дејил вә биз буну дүнән анладыг; Трамп ачыг-ашкар бир сакитликлә атәшкәс елан едәндә вә онун шәртләрини, јахуд шәртләринин бөјүк һиссәсини иҹтимаијјәтә ачыглајанда. Амма һәмин атәшкәс ҹәми 2 саат сонра сона чатды; чүнки Исраил јалныз Ливанын ҹәнубунда дејил, һәм дә Бејрут шәһәринә һүҹум етмәклә бу шәртләри гәсдән позду.
Трампын вә ја мәним өмрүм боју һәр һансы бир АБШ президентинин јол вердији ән бөјүк сәһв, Иранла бу өлкәнин сијаси системини дәјишмәк мәгсәди илә мүһарибәјә ҝирмәк олуб.
Апарыҹы: Јәни демәк истәјирсиниз ки, о, Нетанјаһунун көләсидир?
Такер Карлсон: Дүшүнмүрәм ки, мәсәләни бу гәдәр садәләшдириб онун Нетанјаһунун там нәзарәти алтында олдуғуну дејәк. Амма мөвзуну бу ҹүр јекунлашдырсаныз да, дедијиниз тамамилә әсассыз олмаз.
Sizin rəyiniz