Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Шурасы Мәҹлисинин сәдри Мәһәммәд Багир Галибаф, “Х” сосиал шәбәкәсиндә јазыб:
Иран нүмајәндә һејәтиндәки һәмкарларым “Минаб 168” чәрчивәсиндә ирәлијә јөнәлик тәшәббүсләр ирәли сүрдүләр, лакин гаршы тәрәф бу данышыглар мәрһәләсиндә Иран һејәтинин етимадыны газана билмәди. АБШ бизим мәнтиг вә принсипләримизи анлады вә инди гәрар вермәлидир ки, бизим етимадымызы газана биләр, ја јох.
Данышыглардан әввәл вурғуламышдым ки, биздә хош нијјәт вә зәрури ирадә мөвҹуддур, лакин әввәлки ики мүһарибәнин тәҹрүбәсинә әсасән гаршы тәрәфә етимадымыз јохдур.
Биз һәр заман “гүдрәт дипломатијасыны” Иран халгынын һүгугларынын тәмин едилмәси үчүн һәрби мүбаризә илә јанашы диҝәр бир үсул һесаб едирик вә иранлыларын гырх ҝүнлүк милли мүдафиәсинин наилијјәтләрини мөһкәмләндирмәк истигамәтиндә сәјләримизи бир ан белә дајандырмајаҹағыг. Данышыглар просесинин асанлашдырылмасына ҝөрә дост вә гардаш өлкә Пакистан һөкумәтинә тәшәккүр едир, Пакистан халгына саламларымы чатдырырам.
Иран 90 милјон ҹаны олан ваһид бир бәдәндир. Али Рәһбәрин төвсијәси илә хијабанлара чыхараг өвладларына дәстәк верән вә дуалары илә бизи мүшајиәт едән гәһрәман Иран халгына тәшәккүр едир вә еләҹә бу 21 саат давам едән интенсив данышыгларда иштирак едән һәмкарларыма да тәшәккүрүмү билдирирәм. Јашасын вә вар олсун әзиз Иран!
Sizin rəyiniz