Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Хариҹи Ишләр Назиринин һүгуги мәсәләләр үзрә мүавини Казым Гәрибабади, Иран–АБШ данышыгларынын чәрчивәсиндә чыхыш едәрәк бу раундун әввәлкиләрдән әсаслы шәкилдә фәргләндијини вурғулады.
О, Иран Ислам Республикасынын бүтүн ссенариләрә там һазыр олдуғуну, данышыглара үстүн мөвгедән гатылдығыны билдирәрәк дејиб:
“Бу раундун әввәлкиләрдән фәрги ондадыр ки, Иран Ислам Республикасы һәр заман бөјүк имканлара малик олса да, бу дәфә сон мүһарибәдә әлдә едилән наилијјәтләр вә газанылан гәләбәләр, һәмчинин милли бирлијин ҝүҹләнмәси нәтиҹәсиндә данышыгларда үстүн мөвге илә иштирак едир. Бунун әксинә олараг, америкалылар стратежи һәдәфләринә чата билмәјиб вә ҹидди уғурсузлугларла үзләшибләр; бу да Иран үчүн мүһүм имкан јарадыб.”
Гәрибабади билдириб ки, Иранын Һөрмүз боғазында тәсирли нәзарәти вә һакимијјәти әсас васитәләрдән бири олараг гаршы тәрәфи данышыглар масасына ҝәтирмәкдә мүһүм рол ојнајыб.
Иран Ислам Республикасынын Хариҹи Ишләр Назиринин һүгуги мәсәләләр үзрә мүавини әлавә едиб ки, башга амилләр дә тәсир ҝөстәрсә дә, бу ики фактор даһа габарыг шәкилдә өнә чыхыр.
Sizin rəyiniz