Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Хариҹи Ишләр Назирлијинин сөзчүсү Исмајыл Бәгаји билдириб ки, һазырда Иран тарихинин хүсуси бир мәрһәләсиндә дипломатик мүбаризә апарылыр. О дејиб:
“Дипломатија һазырда бизим үчүн мүдафиә вә мүһарибәнин давамы кимидир вә дипломатија саһәсиндә ҝәрҝин бир мүбаризә ҝедир. Мән Иранын сәдагәтли вә анлајышлы халгыны әмин едирәм ки, дипломатик гурумда чалышан өвладларыныз Вәтәнин мүдафиәчиләри неҹә ки, бурахылыш гурғуларынын (ланчерләрин) јанында мөһкәм дајандылар, онлар да өлкәнин наилијјәтләрини мөһкәмләндирмәк вә Иранын варлығыны мүдафиә етмәк үчүн бүтүн имканларындан истифадә едәҹәкләр.”
О әлавә едиб ки, месажларын мүбадиләси бу ҝүн сәһәр еркән саатлардан јенидән башлајыб вә Пакистан ордусунун баш команданы ҝенерал Асим Мунир, еләҹә дә Пакистанын баш назири илә чохсајлы ҝөрүшләр вә јахшы данышыглар кечирилиб.
Бүтүн бу ҝөрүшләрдә әсас мәсәлә Иран Ислам Республикасынын мөвгеләринин вә тәләбләринин чох ачыг вә ајдын шәкилдә чатдырылмасы олуб вә һазырда да Пакистан тәрәфи илә данышыглар давам едир.
Sizin rəyiniz