Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Шурасы Мәҹлисинин сәдри хәбәрдарлыг едиб ки, Ливана һүҹум, Иранын һава мәканынын позулмасы вә уранын зәнҝинләшдирилмәси һүгугунун инкары разылашдырылмыш чәрчивәнин үч әсас бәндинин позулмасыдыр.
Парламент сәдри доктор Галибаф данышыглар башламаздан әввәл Иранын он бәндлик планынын (разылашдырылмыш чәрчивә) үч әсас бәндинин позулмасы илә бағлы бәјанатында билдириб ки, биз әввәлдән бу просеси етимадсызлыгла изләјирдик вә ҝөзләнилдији кими, АБШ бу дәфә дә данышыглар башламаздан әввәл өз өһдәликләрини позду.
О гејд едиб ки, АБШ президенти ачыг шәкилдә бәјан етдији кими, Иран Ислам Республикасынын он бәндлик планы бу данышыглар үчүн ишләк әсас вә база чәрчивәси һесаб олунур. Лакин бу ана гәдәр һәмин тәклифин үч бәнди позулуб:
1. Он бәндлик планын Ливанда атәшкәслә бағлы биринҹи бәндинә әмәл едилмәмәси — Пакистанын баш назири Шаһбаз Шәриф дә буну ачыг шәкилдә гејд едәрәк “һәр јердә, о ҹүмләдән Ливанда вә диҝәр бөлҝәләрдә дәрһал гүввәјә минән тәҹили атәшкәс” кими бәјан етмишди;
2. Иранын һава мәканына дахил олан тәҹавүзкар пилотсуз учуш апаратынын Фарс вилајәтинин Лар шәһәриндә мәһв едилмәси — бу, Иранын һава мәканына һәр һансы јени мүдахиләнин гадаған едилмәсини нәзәрдә тутан бәндин ачыг шәкилдә позулмасыдыр;
3. Иранын ураны зәнҝинләшдирмәк һүгугунун гәбул едилмәсинин инкары — бу исә чәрчивәнин алтынҹы бәнди иди.
Иран парламентинин сәдри вурғулајыб ки, “данышыглар үчүн әсас чәрчивә” илә бағлы данышыглар башламаздан әввәл белә онун үч әсас бәнди ачыг шәкилдә позулуб.
Белә бир шәраитдә нә гаршылыглы атәшкәсин, нә дә данышыгларын һәр һансы мәнасы галыр.
Sizin rəyiniz