Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын БМТ‑дәки даими нүмајәндәси вә сәфири Әмир Сәид Ирәвани Бәһрејнин Һөрмүз боғазы илә бағлы Иран әлејһинә гәтнамә лајиһәсинин Москва вә Пекинин ветосу илә гәбул едилмәмәсиндән сонра билдириб: Чин вә Русија Тәһлүкәсизлик Шурасынын тәҹавүзү леҝитимләшдирән аләтә чеврилмәсинин гаршысыны алдылар вә бу аддымла тарихин дүзҝүн тәрәфиндә дајандыгларыны ҝөстәрдиләр.
Ирәвани Тәһлүкәсизлик Шурасынын иҹласында дејиб: “БМТ Низамнамәсинин принсипләринә там ујғун шәкилдә мәсулијјәтли давранышларына, конструктив мөвгеләринә вә вето һүгугундан истифадә етдикләринә ҝөрә Чин Халг Республикасы вә Русија Федерасијасына дәрин тәшәккүрүмүзү билдиририк. Онларын буҝүнкү аддымы Тәһлүкәсизлик Шурасынын суи‑истифадә едилмәсинин вә тәҹавүзүн леҝитимләшдирилмәсинин гаршысыны алды.”
О һәмчинин әлавә едиб: Колумбија вә Пакистанын битәрәф сәс вермәси бу гәтнамә лајиһәсинин реҝионда сүлһ вә сабитлик үчүн ҹидди нәтиҹәләр доғура биләҹәјини гәбул етдикләрини ҝөстәрир вә буна ҝөрә онлара да тәшәккүр едир.
Иранын БМТ‑дәки даими нүмајәндәси вурғулајыб: Бу лајиһәни дәстәкләјән өлкәләр мәсулијјәти Иранын үзәринә гојмаға үстүнлүк верибләр, һалбуки АБШ вә Исраилин Иранда мүлки шәхсләрә вә һәјати әһәмијјәтли инфраструктура гаршы һәјата кечирдији һүҹумлар вә мүһарибә ҹинајәтләри гаршысында сусгун галыблар.
Sizin rəyiniz