Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Милли Тәһлүкәсизлик Шурасынын катиби Х сосиал шәбәкәсиндә дејиб: Биз Америкајла һеч бир данышыг апармајаҹағыг.
ИРНА-нын мәлуматына ҝөрә, Иранын Милли Тәһлүкәсизлик Шурасынын катиби Әли Лариҹани Х сосиал шәбәкәсиндә пајлашдығы јазыда дејиб: Биз Америкајла һеч бир данышыг апармајаҹағыг.
Бундан өнҹә Әл-Ҹәзирә "Wall Street Journal"-а истинадән билдириб ки, Иранын Милли Тәһлүкәсизлик Шурасынын катиби Вашингтонла данышыгларын јенидән башламасы үчүн јени ҹәһдләрә башлајыб.
Әли Лариҹани башга бир месажында АБШ президентинин башындан бөјүк данышығына ишарә едәрәк јазыб: Трамп реҝиону пуч хәјаллары илә мүнагишәјә чевириб вә инди Америка гошунларынын даһа чох иткиләриндән нараһатдыр. Онун өзү тәрәфиндән јарадылмыш "Әввәл Америка" шүары "Әввәл Исраил" шүарына чевириб вә Америка әсҝәрләрини Исраилин мәнафејинә гурбан едиб. Јенидән јаланлар ујдурараг өз шәхсијјәтинин гијмәтини Америка әсҝәрләринә вә аиләләринә өдәтдирир. Бу ҝүн Иран халгы өзүнү мүдафиә едир. Мүһарибәни Иран силаһлы гүввәләри башламајыб.
Sizin rəyiniz