Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Дахили Ишләр Назирлији бу ҝүн сәһәр саатларында АБШ вә сионист режимин пајтахтымыза вә өлкәмизин бир нечә диҝәр шәһәринә гаршы һәјата кечирдији тәҹавүзү писләјәрәк бир бәјанат јајымлајыб:
Иранын бөјүк халгынын диггәтинә чатдырылыр ки, ҹинајәткар дүшмән бүтүн бејнәлхалг ганунлары позараг вә данышыглар просеси заманы әзиз вәтәнимизә гаршы нөвбәти дәфә тәҹавүз етмишдир.
Дахили Ишләр Назирлији ҹәмијјәтдә асајиши вә әмин-аманлығы горумаг, еләҹә дә халга хидмәт ҝөстәрмәк үчүн бүтүн имканлардан истифадәни ҝүндәлијинә дахил едиб.
Бу хүсусда, Дахили Ишләр назири өлкә дахилиндәки бүтүн валиләрә (иҹра һакимијјәти башчыларына) ҝөстәриш верәрәк, әввәлки тәлиматлары хатырлатмыш, әјаләтләрдәки вәзијјәтлә бағлы һесабатларын ән гыса заманда алынмасыны вә әһалинин тәҹили еһтијаҹларынын гаршыланмасы үчүн бүтүн имканларын сәфәрбәр олунмасыны вурғуламышдыр.
Һәмчинин Дахили Ишләр назиринин ҝөстәриши илә өлкәнин Бөһран Идарәетмә Гәрарҝаһы јарадылмыш вә бүтүн әјаләтләрин бөһран идарәетмә идарәләринә вә аидијјаты тәшкилатлара лазыми тапшырыглар верилмишдир.
Дахили Ишләр Назирлији һәмчинин вәтәндашлардан тәмкинли вә сакит олмаларыны, мөвҹуд шәраити нәзәрә алараг шәһәрдахили вә шәһәрләрарасы ҝедиш-ҝәлишләрини тәнзимләмәләрини хаһиш едир."
Sizin rəyiniz