Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Пакистан Хариҹи Ишләр Назирлијинин спикер кечирлән мәтбуат конфрансында бәјанат јајымлајараг билдириб: “Һиндистан һөкүмәтинин бу аддымлары дин вә етигад азадлығы әлејһинә атылан аддым вә мүсәлман ҹәмијјәтинин һүгугларынын тапдаланмасыдыр.”
О, гејд едиб: “Бу аддымлар, Мүсәлман тәбәгәнин дахилиндә горху јаратмаг вә мүсәлман ҹәмијјәти иҹтимаи һәјатдан кәнарлашдырмагдыр.”
Бәјанатда гејд олунур ки, мәҹбури шәкилдә шәхси мәлуматларын әлдә олунмасы, о ҹүмләдән шәкиләр, һансы мәзһәб вә ја фиргәјә аид олмаг кими мәлуматлары мүсәлманлардан зорла әлдә етмәк, “систематик шәкилдә әзијјәт вермәк” бүтүн бунлар намаз гылан мүсәлман әһалиси арасында горху вә һүркү јаратмаг вә онлары азад сүрәтдә ибадәт етмәкдән чәкиндирмәк мәгсәди илә һәјата кечирилир.
Пакистан ХИН спикери һәмчинин вурғулајыб ки, Һиндистан режиминин Исламофоб сијасәтләри бу һакимијјәтин Һиндутәваидеолоҝијасындан тәсирләнир вә бүтүн бунлара бахмајараг Пакистан һәмишәки кими Кәшмир халгынын кәнарында дајаныб, Кәшмир вә Ҹаму Мүсәлманлары әлејһинә јүрүдүлән бу сијасәтләрә етираз сәдасыны дүнјаја чатдырыр.
Хатырладаг ки, Кәшмир вә Ҹаму Һиндистанын ики јеҝанә әјаләтләридир ки, бурада әһалинин әксәријјәтини мүсәлманлар тәшкил едир, Ҹамуда әһалинин 67%-зи, Кәшмирдә исә 95%-зи мүсәлманлардыр. 2019-ҹу илин августун 5-дә, Баһаратија Ҹаната партијасынын Һиндистанда һакимијјәтә ҝәлишиндән сонра Кәшмирдә 950 Мүсәлман шәһид едилиб, бунлардан 18-зи гадындыр.
Sizin rəyiniz