Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Фәләстинин Шеһаб хәбәр аҝентлији фашист Исраил режими дүнән ҝеҹә вә бу ҝүн сәһәр Гәззанын мүхтәлиф бөлҝәләринә гаршы вәһши һүҹумларыны давам етдирдијини билдириб. Мәлумата ҝөрә ганичән фашист Исраил режиминин Гәззанын мәркәзиндә Дејр Әл-Балаһда јерләшән Әл-Бәрәкә бөлҝәсиндә бир фәләстинли аиләнин евинә ракет һүҹуму 5 нәфәрин шәһид олмасы илә нәтиҹәләниб.
Сионистләр һәмчинин Гәззанын шималында јерләшән Ҹәбәлијјәдә Султан Гүлләси илә үзбәүз јерләшән јашајыш бинасыны ракет һүҹуму илә һәдәфә алыблар вә бу һүҹумда да онларла фәләстинли шәһид олуб вә јараланыб.
Һәмчинин, Ҹәбәлијјәнин Әл-Нузһа күчәсиндә јерләшән јашајыш еви террорчу Исраил јәһуди режиминин дөјүш тәјјарәләринин һәдәфинә чеврилиб вә нәтиҹәдә бир нечә ушаг шәһид олуб. Ҹәбәлијјәдәки һүҹумларда ән азы 10 фәләстинли шәһид дағынтылар алтындан чыхарылыб, онларла инсан јараланыб.
Бу һүҹумлар заманы Ҹүнејд вә Набһан аиләләринин дә дахил олдуғу мүлки инсанларын евләри бомбаланмыш, ушаг вә көрпәләр дә дахил олмагла 12 нәфәр шәһид олмушдур. Дағынтылар алтындан чыхарылан ушагларын ҹәсәдләринин јајымланан ҝөрүнтүләри үрәк ағрыдыр вә инсаны шока салыр.
Sizin rəyiniz