Әһли-Бејт (ә) Хәбәр Аҝентлији

мәнбә : Мәфатиһул-Ҹинан (Күллијјат) вә сосиал шәбәкәләр
cümə

20 may 2016

11:40:11
755333

Бәшәријјәтин Хиласкары Мүтләг Ҝәләҹәк!

Мајын 21-дән 22-нә кечән ҝеҹә Имам Заманын (ә) мөвлуду вә бу ҝеҹәнин әмәлләри

Имам Меһди һәзрәтләринин (Аллаһ Онун Зүһуруну тезләшдирсин) һәјатыны үч дөврә бөлмәк мүмкүндүр.

Имам Багирдән (әлејһи сәлам) бу ҝеҹәнин фәзиләти һаггында сорушулдугда о Һәзрәт (әлејһи сәлам) белә бујуруб: "Бу ҝеҹә гәдр ҝеҹәләриндән сонра ән фәзиләтли ҝеҹәдир. Аллаһ-Таала бу ҝеҹәдә бәндәләринә фәзл (вә бәрәкәт) әта едир вә онларын ҝүнаһларыны өз кәрамәти илә бағышлајыр. Белә исә Аллаһа јахынлашма үчүн чалышын. Аллаһ-Таала өз мүгәддәс Затына анд ичиб ки, бу ҝеҹә һеч бир әли нә гәдәр ки, ҝүнаһ тәләб етмәјиб, өз дәрҝаһындан бош гајтармајаҹагдыр".

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Шабан ајынын 14-дән 15-нә кечән ҝеҹә бу ајын ән фәзиләтли вахты “Нимеји-Шәбан” бајрамадыр. Шабан ајынын 15-ҹи ҝеҹәси вә ҝүнү хүсуси ибадәт вахтыдыр. Бу ҝеҹә Гәдр ҝеҹәсиндән сонра ән фәзиләтли ҝеҹәдир. Һәдисләрдә дејилир ки, Аллаһ бу ҝеҹә едилән дуалары гәбул едәҹәјинә анд ичиб. Бу ҝеҹә барәсиндә Пејғәмбәр (сәлләллаһу әлејһи вә алиһ) Аишәјә белә бујуруб: «… Бу ҝеҹә рузиләрин бөлүндүјү, әҹәлләрин јазылдығы вә Һәҹҹә ҝедәҹәк инсанларын сијаһысынын мүәјјәнләшдији ҝеҹәдир...»

Имам Багирдән (әлејһи сәлам) бу ҝеҹәнин фәзиләти һаггында сорушулдугда о Һәзрәт (әлејһи сәлам) белә бујуруб: "Бу ҝеҹә гәдр ҝеҹәләриндән сонра ән фәзиләтли ҝеҹәдир. Аллаһ-Таала бу ҝеҹәдә бәндәләринә фәзл (вә бәрәкәт) әта едир вә онларын ҝүнаһларыны өз кәрамәти илә бағышлајыр. Белә исә Аллаһа јахынлашма үчүн чалышын. Аллаһ-Таала өз мүгәддәс Затына анд ичиб ки, бу ҝеҹә һеч бир әли нә гәдәр ки, ҝүнаһ тәләб етмәјиб, өз дәрҝаһындан бош гајтармајаҹагдыр".

Она ҝөрә дә ҝәрәк бу ҝеҹә инсан гүсл едә, әһја сахлаја(ҝеҹәни сәһәрәдәк ојаг гала), Илаһи өвлијалары зијарәт едә вә бир сөзлә ибатәд илә мәшғул ола. ИншаАллаһ бу ҝеҹәнин әәғмәлләри һаггда ашағыда мәлумат верәҹәјик. Амма бу ҝеҹәјә диҝәр өзәллик верән дә дөврүмүзүн Имамы һәзрәт Меһдинин (Аллаһ Онун шәрәфли зүһуруну тезләшдирсин) мөвлудудур.

Имам Мәһди әлејһиссәламын һәјаты барәдә гыса мә’лумат

Он икинҹи Мәсум Имам, дүнјанын хиласкары, һәзрәт Мәһди ибн Һәсән Әскәри (әлејһиссәлам) һиҹрәтин 255-ҹи или Шәбан ајынын 15-дә, милади тарихи илә, 878-ҹи илдә Ирагын Самирра шәһәриндә анадан олмушдур.

Онун ады Ислам Пејғәмбәринин адындан, јәни, МӘҺӘММӘД, күнјәси дә Пејғәмбәрин күнјәсиндәндир, јәни, Әбүлгасимдир. Бәзи мәсләһәтләрә хатир Мәсум Имамлар онун әсл адынын чәкилмәсини гадаған етмишләр. Онун ләгәбләриндән Һүҹҹәт, Гаим, Хәләфисалеһ, Саһиб әз-заман вә Бәгијјәтуллаһы гејд етмәк олар. Ән мәшһур ләгәби исә Мәһдидир. Атасы он биринҹи Имам Һәзрәт Һәсән Әскәри (әлејһиссәлам), анасы исә чох һөрмәтли Нәрҹис (Нәрҝиз) ханым олмушдур. Анасы, Рејһанә, Сүсән вә Сәгил адлары илә дә танынмышдыр. Нәрҹис ханымын фәзиләт вә мәнәвијјаты о дәрәҹәдә чох олмушдур ки, өзү Имамәт аиләсинин фәзиләтли гадынларындан бири олан Имам Әлијјән-Нәги әлејһиссәламын баҹысы Һәкимә ханым ону (Нәрҹиси) өз нәслинин ән фәзиләтли ханымы, өзүнү исә онун хадимәси адландырмышдыр. 

Имам Меһди һәзрәтләринин (Аллаһ Онун Зүһуруну тезләшдирсин) һәјатыны үч дөврә бөлмәк мүмкүндүр: 

1. Тәвәллүдүндән атасынын шәһадәтинә гәдәр олан беш иллик дөвр. Бу гыса мүддәт әрзиндә әсһабындан вә дүнјанын һәр тәрәфиндән алимләр вә фәгиһләр имам Һәсән Әсҝәри (а.с.)-ын ҝөрүшүнә ҝәлдикдә бу балаҹа ушагла да ҝөрүшәрәк ондан бәзи мөвзулар һаггында суаллар сорушмушдулар. Имам Һәсән Әсҝәри (а.с.) өз оғлуну онлара тәгдим едәрәк онун барәсиндә әсһабына мүхтәлиф төвсијәләр едирди.

2. Имамын алты јашындан башлајараг 74 јашына гәдәр давам едән гејбәти-суғрасы (јәни кичик гејбәт): Бу дөврдә залым вә гәсбкар һөкүмәтин адамлары ону ҝөрмәкдән мәһрум идиләр. Амма имамын әсһабы вә һәгиги шиәләр онун јанына ҝедиб истәдикләри суаллары она верирдиләр. Бу дөврдә имам (ә.ф.) илә халг арасында васитәҹи олан, еләҹә дә ҹамаатын истәк вә мәктубларыны имама ҝәтириб ҹавабыны онлара апаран дөрд нәфәр иди ки, бунлар: 1. Осман ибни Сәид; 2. Мәһәммәд ибни Осман; 3. Һүсејн ибни Руһ; 4. Әли ибни Мәһәммәд Сејмури. Ады чәкилән мөминләр, Һәзрәтин етибарлы әсһабларындан сајылырдылар вә һәр бири, о бирисиндән сонра, өз өһдәлијини јеринә јетирирди.

3. Үчүнҹү дөвр 329-ҹу Һиҹри-гәмәри илиндән башлајараг бу ҝүнә гәдәр давам едән гејбәти-күбра (јәни бөјүк гејбәт) дөврүдүр. Бу дөврүн нә гәдәр давам едәҹәјини Аллаһдан башга һеч ким билмир. Һәзрәт (Аллаһ Онун Зүһуруну тезләшдирсин) бу дөврдә халг арасында ҝизли вә кимсәнин ону танымајаҹағы бир шәкилдә һәрәкәт вә рәфтар едир. Ону ҝөрән олса да таныја билмәз. Јалныз о, ҝедәндән сонра Һәзрәтдә ҝөрдүкләри әламәтләрдән онун Имам (Аллаһ Онун Зүһуруну тезләшдирсин) олдуғуну баша дүшәрләр.

Бу ҝеҹә үчүн бир чох әмәлләр зикр олунмушдур:

1. Гүсл

2. Әһја сахламаг (сүбһ намазына кими ојаг галыб истиғфар, дуа вә с. Ибадәтләр илә мәшғул олмаг)

3. Зијарәт Имам Һүсејн (әлејһи сәлам) (Зијарәтләр мүхтәлыф ола биләр. Ән азындан үстү ачыг бир јерә чыхараг (дам, ејван), саҝа, сола вә даһа сонра асимана нәзәр салараг, о Һәзрәти белә зијарәт етсин: "Әссәламу Әлејкә ја Әба Әбдиллаһ, әссәламу әлејкә вә рәһмәтуллаһу вә бәрәкәтуһу").

4. Шабан ајынын Зөһр вахты охунан салаваты.

5. Кумејл дуасы

6. Бу зикрләри ардыҹыл олараг демәк: "Субһанәллаһ", "Әлһәмдулиллаһ", "Аллаһу Әкбәр", "Ла Илаһә Илләллаһ" (һәрәси 100 дәфә)

7. Ики рәкәт намаз (1-ҹи рәкәтдә "Һәмд"+ "Кафирун", 2-ҹи рүкәтдә "Һәмд" + "Ихлас"). Намаздан сонра дејилир: "Субһәналлаһ" 33 дәфә, "Әлһәмдулиллаһ" 33 дәфә, "Аллаһу Әкбәр" 34 дәфә.

8. Сәҹдәдә бу дуаны охумаг: "Сәҹәдә ләкә сәвади вә хәјали вә амәнә бикә фуади һазиһи јәдајә вәма ҝәнәјтуһу әла нәфси, ја әзиму турҹали кули әзим, ихфирлијәл әзим вәиннәһу ла јәхфируз-зәмбәл әзимә илләр-рәббул әзим". Сәҹдәдән галхараг јенидән сәҹдәјә ҝетмәк вә демәк: "Әузу биннури вәҹһикәлләзи әзаәт ләһус сәмавату вәл әрәзун вәл кәшәфәт ләһуз зулумат вә сәләһә әлејһи әмрул әввәлин вәл ахирин мин фуҹәти нәгимәтик вә мин тәһвили афијәтик вә мин зәвали немәтик. Аллаһуммәрзугни гәлбән тәгијјән нәгијја вә минәшширки вәла кафирән вә ла шәгијјән". Сонра сағ үзүнү, сонра сол үзүнү мөһүрә гојуб дејирсән: "Әффәрту вәҹһи фиттураб вә нуггәли ән әсҹудуләк".

9. Ҹәфәр-Тәјјар намазыны гылмаг

10. Јүз рәкәтли намаз (һәр рәкәтдә "Һәмд" + 10 "Ихлас")

Шабанын 15-ҹи ҝеҹәсинин әмәлләри "Мәфатиһул-Ҹинан" китабындан ҝөтүрүлүб. Әмәлләрин ардыҹыллығына риајјәт етмәк ваҹиб дејил. Аллаһ ибадәтләринизи гәбул етсин! Бајрамыныз мүбарәк олсун!


Ҹәфәри Тәјјар Намазынын Гылынма Гајдасы


Ҹәфәри Тәјјар намазы ән фәзиләтли мүстәһәбби намазлардандыр. Бу намазы Ҹәфәри Тәјјар нијјәти илә гылыныр вә мүшәххәс заманы јохдир ,һәр һансы бир заманда гылынмасына тәкид олунуб.

4 рәкәтдир. 2 әдәд 2 рәкәтли


1-ҹи ики рәкәт:

1-ҹи рәкәтдә һәмддән сонра (Зәлзәлә)сурәси охунур ,онун ардынҹа 15 дәфә тәсбиһати әрбәә (субһанәллаһи вәлһәмдулиллаһы вә ла илаһә иләллаһу вәллаһу әкбәр) охунур. Сонра рүкуја ҝедиб рүкунун зикрини дедикдән сонра һәмин зикри (тәсбиһати әрбәә )ни 10 дәфә дејирсән сонра исә рүкудан галхыб гијам һалында дајаныб һәмин зикри (тәсбиһати әрбәә )ни јенидән 10 дәфә дедикдән сонра сәҹдәјә ҝедирсән . Сәҹдәдә сәҹдәнин зикрини дедикдән сонра һәмин зикри (тәсбиһати әрбәә )ни 10 дәфә дејирсән. Алныны сәҹдәдән галдырыб диз үстә отураркән (јәни ики сәҹдә арасында) һәмин зикри (тәсбиһати әрбәә )ни јенидән 10 дәфә дедикдән сонра икинҹи сәҹдәјә ҝедиб сәҹдәнин зикрини дедикдән сонра һәмин зикри (тәсбиһати әрбәә )ни 10 дәфә дејирсән .Сонра сәҹдәдән галхыб диз үстә отурдуғун һалда 10 дәфә һәмин зикри (тәсбиһати әрбәә )ни дедикдән сонра икинҹи рәкәт үчүн гијам һалына галхырсан .

2- ҹи рәкәтдә һәмддән сонра (Вәл адијат) сурәсини охујурсан .сонра исә биринҹи рәкәтдә дедикләримиз кими тәкрар олараг әмәл едирсән , икинҹи сәҹдәдән галхыб һәмин зикри (тәсбиһати әрбәә )ни 10 дәфә дедикдән сонра тәшәһһүд вә саламы вериб биринҹи ики рәкәти сона чатдырырсан. Сонра ајаға галхыб нөвбәти икинҹи ики рәкәтли намазы ашағыда дејилдији кими гылмаға башлајырсан.


2- ҹи ики рәкәт:

1- ҹи рәкәтдә Һәмддән сонра ( Нәср )сурәсини охујурсан вә сонра исә јухарыда дедикләримиз кими тәкрар олараг әмәл едирсән.

2-ҹи рәкәтдә исә Һәмддән сонра (Ихлас) сурәсини охујурсан вә сонра исә јухарыда ддикләримиз кими тәкрар олараг әмәл едирсән. Јенәдә сонра икинҹи сәҹдәдән галхдыгдан сонра икинҹи сәҹдәдән галхыб һәмин зикри (тәсбиһати әрбәә )ни 10 дәфә дедикдән сонра тәшәһһүд вә саламы вериб икинҹи ики рәкәти сона чатдырырсан.

Диггәт: Хәбәрдән истифадә етдикдә мәнбәјә истинад лазымдыр