Әһли-Бејт (ә) Хәбәр Аҝентлији

мәнбә : Фејсбук
çərşənbə axşamı

26 aprel 2016

02:46:24
749935

Көшә Јазысы

Вилајәти-фәгиһин зәрурилији

Вилајәти-фәгиһ мүсәлман вә шиә аләминә ән бөјүк немәтләрдән биридир. Әҝәр шиә аләминдә јүзләрлә мүҹтәһид олса, амма вәлијји-фәгиһ олмаса, Имам Заманын (әҹ) гејб дөврүндә шиә иҹтимаи, сијаси вә дини һәјатда өзүнү горуја билмәјәҹәк.

Әһли Бејт (әлејһимус сәлам) -АБНА- Хәбәр Аҝентлији- Вәлијји-фәгиһи олан Шиә, Ислам динини анҹаг намаз вә оруҹ, хүмс вә зәкатда хүласәләшдирмир.

Әҝәр белә олсајды ҹәмијјәтә нисбәт Имам Әскәринин дөврүнд намаз гылан, һиҹаблы, һәҹҹә ҝедән, оруҹ тутан индикиндән чох иди. Амма Имамларымыз тәк галдылар вә 12-ҹи Имам гејбә чәкилди. НИЈӘ?

Чүнки, Дин вә Имам Заманлары уғрунда ҹанларындан, малларындан, јахынларындан кечән мәрд иҝидләр чох аз иди.

Амма ҝедишат буну бизә чох ајдын ҝөстәрири ки, һал һазырда белә иҝидләр һеч дә аз дејил. Онлар ҝүн ҝүндән даһа да чохалыр. Имамын (ә) баҹысынын гәбринин мүдафиәси уғрунда һәр шејиндән кечән мүсәлман, әмин олун ки, Иншааллаһ Имам Меһди әлејһиссәлам уғрунда да һәр шејиндән кечәр, Имамыны тәк гојмаз.

Вилајәти-фәгиһ мүсәлман вә шиә аләминә ән бөјүк немәтләрдән биридир. Әҝәр шиә аләминдә јүзләрлә мүҹтәһид олса, амма вәлијји-фәгиһ олмаса, Имам Заманын (әҹ) гејб дөврүндә шиә иҹтимаи, сијаси вә дини һәјатда өзүнү горуја билмәјәҹәк. Гејб заманы шиәнин иззәти вилајәти-фәгиһ олан дөврдә ҝөрүнүр. Бир мисал чәкәк. Тәгрибән јүз ил өнҹә вәһабиләр шиәләрин вә мүсәлманларын мүхтәлиф мүгәддәс шәһәрләринә һүҹүм едиб бу шәһәрләри хараба гојублар. Мәсәлән, бир ҝүн әрзиндә Кәрбәла шәһәрини виран едиб, Имам Һүсејнин (ә) һәрәмини дағытдылар вә јерини шумладылар. Кәрбәла сакинләри (о инсанлар ки һәр ил Һүсејнә ҝөрә башларыны јарардылар) о шәһәри тәрк едиб гачдылар. Һалбуки, о заман Кәрбәлада вә Нәҹәф шәһриндә јүзләрлә мүҹтәһид вә мәрҹәи-тәглид јашајырды. Онлар бөјүк вә әзәмәтли алимләр идиләр. Сизҹә, бу алимләр нијә бир иш ҝөрә билмәдиләр, бу ҹинајәтләрин гаршысы алынмады? Һалбуки, инди тәкҹә вәһабиләр вә сәләфиләр јох, Әл-гаидә, һәтта Америка, Исраил вә онларла башга өлкә чалышырлар Суријада Ханым Зејнәбин (с.ә) вә Рүгәјјәнин (с.ә) һәрәмини дағытсынлар, ораны виран етсинләр. Амма ҝөрдүјүнүз кими 5 илдир бу нијјәтләрини һәјата кечирә билмирләр. Сизҹә нә үчүн?

Ирагда Ајәтууллаһ систани ағанын Ишидә гаршы ҹиһад фәтвасына ҹаваб олараг бүтүн мүгавимәт (Сепаһ гүввәләри, Бәдр, Мәһди , сәраја хорасани вә с..ордулары ) гошунлрыны, силаһарыны, әсҝәр вә ҝенералларыны, Ирагда сәфәрбәр едән јеҝанә шәхс кимијди? Бу гуввәләр кимә мәхсусдур??? Әҝәр бу гуввәләр Ирагда, Сүријадә.Јәмән вә Ливанда Фәләстин вә Африкада олмасајды сизҹә Шиә аләминин, мүгәддәс зијарәтҝаһларымызын, вәһһаби олмајан Мүсәлманларын агибәтини нәләр ҝөзләјирди??? Һансы дөвләтләрә әл ачыб јалварыб көмәк диләјәҹәкдик???

Зилләтнән долу ҹылызланмыш, иззәтсиз һәјат бизи ҝөзләјирди.!

СИЗҸӘ ИНДИКИ ШИӘ ВӘ ИСЛАМ АЛӘМИНИ 100 ИЛ ӨНҸӘКИНДӘН ФӘРГЛӘНДИРӘН НӘДИР? ВИЛАЈӘТИ-ФӘГИҺ ВӘ ВӘЛИЈЈИ-ФӘГИҺ! Бәли, ҹаваб дүздүр! Бүтүн бу суалларын ҹавабы мәһз бир шејди ВӘЛИЈЈИ-ФӘГИҺ.

Вәлијји-Фәгиһ вә она табе олан бүтүн гүввәләр һеч бир дөвләтә ҹавабдеһ дејил, һеч бир өлкәдән, дөвләтдән аслылығы јохдур.!!!

Мин илләрлә һаггында бәһс етдијимиз вилајәти-фәгиһ үсул-идарәсини Имам Хомејни (р) китаблардан чыхардыб ону ҹанландырды, она һәјат бәхш етди. Иҹтимаи вә сијаси мәсәләләрдә шиә аләминин ваһид мәркәздән идарә олунмасыны һәјата кечирди. О, һакимијјәт тәшкил етди (Вилајәти-фәгиһ

Бу һакимијјәт мәсум имам тәрәфиндән идарә едилмәдијинә ҝөрә онун чатышмајан ҹәһәтләринин олмасы лабүддүр. Амма бу һакимијјәт һеч шүбһәсиз мәсум имамын вә ИМАМ ЗАМАНЫН (әҹ) һимајәсиндә олан һакимијјәтдир. Чүнки өтән 1000 ил әрзиндә Аллаһ вә онун имамы үчүн мүсәлманларын иззәтли вә хошаҝәлән һалы индики вәзијјәтдир. Һал-һазырда ИМАМ ХАМЕНЕИ бу ағыр јүкү вә бајрағы чијнинә алиб, ВӘЛИЈЈИ-ФӘГИҺ јүкүнү гәбул едиб. Бу ҝүн дүшмәнин белини гыран вилајәти-фәгиһин вүҹудудур.

Дүшмән һазырдыр минләрлә мәсҹид тиксин, өзү истәјән Исламы тәблиғ етсин, баш јаранларын сајыны артырсын, һәтта милјардларла бүдҹә ајырыб Амерка Исламыны тәблиғ едән, јахуд ифратчы алим вә мүҹтеһиднүмалар јетишдирсин (әһли сүннәни вә онларын мүгәддәс сајдыгларыны ачығ-ашкар ләнәтләјән, дүнјадан хәбәрсиз алимләр нәзәрдә тутлур), амма бир нәфәр вилајәти-фәгиһә бағлы әгидәси мөһкәм шиә јетишмәсин. Чүнки вәлијји-фәгиһи олан шиә Ислам динини анҹаг намаз вә оруҹ, хүмс вә зәкатда хүласәләшдирмир. О, дини Аллаһ тәрәфиндән ҝөндәрилмиш конститусија һесаб едир (ДИН – сағлам һәјат конститусијасы) вә буна әсасән дүнјада һеч бир шеји диндән ајры һесаб етмир. О, Ислам динини вә онун ганунларыны јалныз мәсум имамын дөврүнә аид етмир. О һәр заман вилајәти-фәгиһин бајрағы алтында инсанијјәт вә бәндәлик конститусијасыны, милли-мәнәви дәјәрләри мүдафиә етмәјә һазырдыр.

Һал-һазырда бүтүн дүнјада вә вәтәнимиз Азәрбајҹанда Ислам дүшмәнләри тәрәфиндән вилајәти-фәгиһ мәсәләсинә гаршы чиркин тәблиғат иҹра олунмагдадыр. Бәзи “моллалар” вилајәти-фәгиһи инкар едиб ихтилаф јарадыр, Ислам дүшмәнләриндән күлли мигдарда пул алырлар. Еј мүсәлман! МӘҜӘР Исламда һәр мәсәлә һәлл олду, галды вилајәти-фәгиһ мәсәләси ки, ону бајраг едиб мүсәлманлар арасында ихтилаф салырсыныз?! Әҝәр истәнилән бир шәкилдә вилајәти-фәгиһ мөвзусу сизин үчүн сүбута јетмәјибсә, јенә дә һаггыныз јохдур ки, ону ихтилаф амили гәрар верәсиниз. Вилајәти-фәгиһ мөвзусунун һәгигәт олмадығыны һеч вахт сүбүт едә билмәзсиниз. Белә бир һалда ким сизә ихтијар вериб ки, ән азы зәрәрсиз бир мөвзуну шиәләр арасында ихтилаф амили гәрар вериб дини ҹамеәләри проблемлә үзбәүз гојасыныз?! Горхун Аллаһдан! Сизҹә индики зүлм дүнјасында вә вәһдәт ваҹиб олан вахтда Имам Заманын (әҹ) дәрди вә проблеми анҹаг вилајәти-фәгиһ мәсәләсидир?

Һал-һазырда вилајәти-фәгиһ Ислам аләми үчүн бөјүк немәтдир. Ҝәлин онун гәдрини биләк. Дүшмәнин сөзүнү тәкрарламајаг, ајыг вә бәсирәтли олаг, күфрә гаршы дајананы һимајә едәк. Дүшмәни пислијәнә арха дураг вә дүшмәни зәифләдән нөгтәләри таныјаг. Аллаһа мин шүкүрләр олсун ки, һал-һазырда чохсајлы мүҹтеһидләримиз вәлијји-фәгиһин архасында дағ кими дајаныблар, ону һимајә едирләр, ону дуа едирләр.

Алим вар ки, онун бир сөзү мүсәлманлар арасында вәһдәтә сәбәб олур, дүшмәнин белини гырыр, һагг ҹәбһәсини руһландырыр. О, фәтва вә һөкм верәндә анҹаг өз әтрафына бахмыр, бүтүн дүнјанын вә мүсәлман аләминин хејирини нәзәрә алыр. Алим дә вар ки, онун һәр сөзү шиәләр арасында ихтилафа сәбәб олур, шиә-сүнни дүшмәнчилијини ҝүҹләндирир, дүшмәни севиндирир, һагг уғрунда чалышанлары руһдан салыр. Дүшмәнин 10 илә вура билмәјәҹәји зәрбәни беләләри бир ҝүнә вурур. Бу ҹүр алимә дејирләр бәсирәтсиз!

Аллаһ бизи Имам Заманын (әҹ) вә гејб дөврүндә вәлијји-фәгиһ Ајәтуллаһ Хаменеинин әсҝәрләриндән гәрар весин иншаллаһ. АМИН

Тоһид Ибраһимбәјли

Диггәт: Хәбәрдән истифадә етдикдә мәнбәјә истинад лазымдыр