АБНА Имам Мәһдинин мөвлудунун илдөнүмү мүнасибәти илә һамыны тәбрик едир!

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн милади тарихи илә 03, 06, 2015 тарихә тәсадүф едән Һиҹри Гәмәри тарихи илә 15 Шәбан, 1436-ҹы ил бәшәријјәтин хиласкары, дүнјаны әдаләтлә долдуран, һамынын севимли һакими һәзрәт Саһибул Әмр Һөҹҹәт ибнил Һәсән Әскәринин анадан олдуғунун илдөнүмү ҝүнүдүр.

Биз АБНА олараг бу ҝүн мүнасибәти илә, башда Имам Хаменеи һәзрәтләри олмагла, Али Тәглид Мәрҹәләрини, бүтүн дүнја халгларыны, мөмүн вә мәзлумлары сәмими гәлбдән тәбрик едир вә онлара ән ҝөзәл хош арзулар диләјирик.

Имам Заман һәзрәтләринин һәјатына гыса бир бахыш

Мәһәммәд ибн Һәсән Һиҹри Гәмәри тарихи илә, 255-ҹи ил (Милади тарихи илә, 869-ҹу ил) Шабан ајынын 15-и Ирагын Самирра шәһәриндә дүнјаја ҝәлмишдир. Атасы Аллаһ Тәаланын јер үзүндә тәјин етдији 11-ҹи Имам, Һәсән ибн Әли әл-Әскәри, анасы исә Рома императорунун гызы Нәрҹис Хатундур. Дүнјаја ҝәлдији илк илләрдә залым һаким сүлалә Аббасиләр тәрәфиндән һәјаты үчүн тәһлүкә мөвҹуд олдуғуна ҝөрә дүнјаја ҝәлмәси ҝизли сахланылмышдыр. Бу вәзијјәт Һ.Г. тарихи илә 260-ҹы илә (М. тарихи илә 875-ҹи илә) гәдәр, јәни 11-ҹи имам Һәсән ибн Әли әл-Әскәри Шәһид олмасына вә имамлығын һәзрәти Мәһди ҹәнабларына (Аллаһ онун шәрәфли ҝәлишини тезләшдирсин) кечмәсинә гәдәр давам етмишдир.

Имам Заман һәзрәтләри, атасы (Һәсән ибн Әли әл-Әскәри әлејһи сәлам) залым Әббаси хәлифәси тәрәфиндән Шәһадәтә јетирилдикдән сонра имамәт мәгамына саһиб олмуш вә сонра да гејбә чәкилмишдир. Истисналары чыхмаг шәртилә ону шәхси (өзәл) наибләриндән башга һеч ким ҝөрмәмишдир.



Диггәт: Хәбәрдән истифадә етдикдә мәнбәјә истинад лазымдыр