Әһли Бејт -АБНА- хәбәр аҝентлијинин вердији хәбәрә әсасән: 12-ҹи Имам Һәзрәти Саһибәззәманын (ә.ф) мүбарәк мөвлуду мүнасибәтилә Бакыда вә Тифлисдә кечириләҹәк тәдбирләрдә иштирак үчүн Иран Ислам Республикасындан ҝәлән гонаг чох сајда китабын мүәллифидир. Азәрбајҹанлыларын јахшы таныдығы "Мизанул Һикмәт" һәдис топлусу да мәһз бу алим тәрәфиндән јазылмышдыр.
Ислам-Азери.аз интернет гәзети илә “Саламнеwс” аҝентлијинин мүхбирләри бу бөјүк алимин ҝәлишиндән истифадә едәрәк ондан мүсаһибә алыб.
Ајәтуллаһ Мәһәммәд Рејшәһријә үнванланан биринҹи суал белә олуб:
-Бу ҝүнләр Имам Заманын (ә.ф.) мүбарәк мөвлуд ҝүнү әрәфәсинә тәсадүф едиб. Бу бахымдан Имамын гејби дөврүндә мүнтәзирләрин (ону ҝөзләјәнләр) вәзифәләри нәдән ибарәтдир?
-Рәһман вә рәһим Аллаһын ады илә. Һәзрәт Вәлиәсрин (ә.ҹ) мөвлуду мүнасибәти илә гоншу вә дост Азәрбајҹан халгыны тәбрик едирәм вә истәрдим ки, Аллаһ Таала бизә Имам Заман ағанын зүһуруна зәминә һазырлајанлардан олмағымыз үчүн тофиг версин. Бизим, јәни Әһли бејтә бағлы олан һәр кәсин гејбәт дөврүндә вәзифәси чох ағыр бир вәзифәдир. Бир ҹүмлә илә демәк олар ки, о, ағаја мәһәббәти олан һәр бир шәхсин вәзифәси һәзрәтин дүнјави һөкүмәти үчүн зәминә һазырламагдыр. Бунун үчүн нә етмәк лазымдыр? Һәгигәтдә о һәзрәт нәји ҝөзләјир вә нә үчүн гејб пәрдәси архасындадыр? Буну билмәк лазымдыр ки, о, һәзрәтин зүһуру үчүн лабүд олан шәрти мәдәни мүстәвидә әрсәјә ҝәтирмәлијик. Јәни биз бүтүн дүнја ҹәмијјәтиндә о, ағанын зүһуру үчүн сивил бир шәраит јаратмалыјыг. Бунун үчүн нә етмәк лазым олдуғуну Әһли бејт бизләрә бәјан етмишдир. Имам Рза (әлејһиссалам) бујурмушдур: “Аллаһ Таала бизим һаггымызы дирчәлдәнләрә рәһмәт еләсин.” Әһли бејтин һаггы исә онларын дүнја ҹәмијјәтинә рәһбәрлик етмәләридир. Имамдан сорушдулар ки, сизин имамәтинизи (һаггынызы) неҹә дирчәлдә биләрик? Бујурду: “Бизим маарифимизи өјрәниб вә өјрәтмәклә.” Даһа сонра имам бујурур: “Инсанлар бизим сөзләримизин мәнтиг вә ҝөзәлликләрини ҝөрсәләр бизә итаәт едәҹәкләр.” Јәни һәгигәтдә Әһли бејтин һөкүмәти үчүн мәдәни бир шәраит јаратмаг, Әһли бејтин мааррифини јајмаг ҝәрәкдир. Беләликлә, биз бу маарифин дүнјаја јајылмасы үчүн нә гәдәр чалышсаг имам Заман ағанын зүһуру үчүн бир о гәдәр зәминә јаратмыш олуруг. Әрз етдијим кими дүнја мәнтиг дүнјасыдыр. Јәни биз әгли ҹәһәтдән шәраит јаратмалыјыг.
-Азәрбајҹан халгынын диндар тәбәгәсинә төвсијјәләриниз нәдән ибарәтдир?
-Азәрбајҹан мүсәлманларына төвсијәм Ислама олан мәрифәтләрини даһа дәринләшдирмәләридир. Имам Әли (әлејһиссалам) сәһабәси Кумејлә бујурур: “Әнҹам вермәк истәдијин һәр бир әмәл үчүн мәрифәтә еһтијаҹын вар.” Беләликлә, инсанын мәрифәтсиз етдији һәр бир әмәли нагисдир вә һәр бир бөјүк ишин мүгәддимәси мәрифәти ҝүҹләндирмәкдир. Азәрбајҹанлы баҹы вә гардашларыма Ислам дининин мааррифини вә хүсусән Ислам ҹәмијјәтини хәтәрә сала биләҹәк амилләри таныја билмәләрини нәсиһәт едирәм.
Диггәт: Хәбәрдән истифадә етдикдә мәнбәјә истинад лазымдыр