Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бағдадын Имам Ҹүмәси Ајәтуллаһ Сејид Јасин Мусәви Американын мәкирли планларыны вә сијасәтләрини мәһкум едәрәк дејиб: “Ҹинајәткар Трамп давам едән сивилизасијаларарасы мүһарибә контекстиндә ики нәҹиб шәһид Гасим Сүлејмани вә Әбу Меһди әл-Муһандиси гәтлә јетирди. Чүнки гәрб сивилизасијасы бу өлкәләрин сәрвәт вә малларыны ҝиров ҝөтүрмәк үчүн шәрги, јәни Ислам өлкәләрини өз нәзарәтиндә сахламаға чалышыр.”
О, Американын Ираг халгынын ҝөзләнилмәз аддымындан тәәҹҹүбләндијинә тохунараг билдириб: “Америка Ираг халгынын она тәслим олаҹағыны дүшүнүрдү. Амма Америка Ирага дахил олдугда Әрбәин зијарәти вә милјонларла шиәнин Имам Һүсејнин (ә) һәрәминә пијада јүрүшү ону тәәҹҹүбләндирди.”
Ајәтуллаһ Сејид Јасин Мусәви чыхышында Ајәтуллаһ-Үзма Систани һәзрәтләринин Ирагын мүстәгиллијинин горунуб сахланмасында мүһүм рол ојнадығыны вә америкалылары Ираг конститусијасыны өлкә сијасәтчиләринин әли илә јазыб халгын сәс вермәсинә гојмаға мәҹбур етдијини вурғулады.
Ајәтуллаһ Мусәви вурғулајараг гејд едиб: “Һаҹы Гасым Сүлејмани вә Әбу Меһди Әл-Мүһәндисин планы дүшмәнә мүгавимәт ҝөстәрмәк вә онлара гаршы дурмагдыр. Бу ҝүн биз өлкәмизин мүстәгиллијини мәһв етмәјә чалышан Америка мәкирли планлары гаршысында дурмалыјыг.”
Американын Суријаны Әрдоғана тәслим етдијинә вә бу әрәб өлкәсинин онлар тәрәфиндән ишғал едилдијинә диггәт чәкән Ајәтуллаһ Мусәви билдирди: “Исраил Суријанын бир һиссәсини ишғал едиб вә бу ишғала гаршы һеч бир етираз олмајыб.”
Имам Ҹүмә бир даһа вурғулајараг әлавә едиб:
“Биз чәтин ҝүнләрлә үзләширик, буна ҝөрә дә Ирагы, онун суверенлијини вә мүстәгиллијини горумаг үчүн Американын мәкирли планларына гаршы чыхмаг үчүн Шәһид Сүлејмани, Әбу Меһди Әл-Мүһәндис вә Шәһид Сејид Һәсән Нәсруллаһын јолуну ҝетмәли вә мәнимсәмәлијик.”
Диггәт: Лүтфән Хәбәрдән Истифадә Етдикдә Мәнбәјә Истинад Един!