Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Оман Султанлығынын мүфтиси Шејх Әһмәд Әл-Хәлили Јәмәнин ојаг вә нәҹиб халгыны вә дүнјанын бүтүн азад халгларыны Јәмән Хүсуси Тәјинатлылары гәһрәманларыны мүдафиә етмәк, һаггы мүдафиә етмәк вә залымларла ҹидди шәкилдә мүбаризә апармаг үчүн бир араја ҝәлмәләрини хаһиш едиб.
О дејиб: “Јәмәнин гәһрәман мүһафизәчиләри һәгигәти мүдафиә етмәкдә, дағлары вә мөһкәм гајалары силкәләјән мисилсиз гәһрәманлыг вә гәтијјәтлә зүлмкарлара гаршы дурмагда давам едирләр.”
Әл-Хәлили әлавә едиб: “Неҹә ки, бүтүн Јәмәнин нәҹиб халгы мүгавимәтләрини ҝүҹләндирмәк вә мәгсәдләринә чатмаг үчүн Јәмәнин Хүсуси Тәјинатлылары илә бирләшмәлидирләр, бүтүн Ислам үммәти дә онлары там вар ҝүҹү илә дәстәкләмәлидир, чүнки бу, мүсәлманларын бир-бирләри үзәриндә олан һаггыдыр. Неҹә ки, Пејғәмбәр (сәлләллаһу әлејһи вә алиһ) бујурмушдур: Мүсәлманлар бир-биринә гардашдырлар, бир-биринә зүлм етмирләр, бир-биринә проблем јаратмырлар.”
Оман Султанлығынын мүфтиси чыхышынын сонунда дејиб: “Мүгавимәт гүввәләри Фәләстин халгынын мүбаризәси үчүн фәдакарлыг едир. Вә һәр һансы бир өлкәјә, о ҹүмләдән ишғал олунмуш әразиләрә, мүсәлманларын илк гибләсинә вә пејғәмбәринин мераҹ олдуғу јерә дүшмән һүҹуму заманы бүтүн мүсәлман халглары бир-бири илә әмәкдашлыг етмәлидир.
Одур ки, мүсәлманлар бу мүгәддәс јерләри Ислам үммәтинин пак вә етибарлы әлләринә гајтармаг үчүн сәј ҝөстәрмәлидирләр, она ҝөрә дә биз виҹдан вә һүрријјәт саһиби олан бүтүн милләтләрдән вә инсанлардан хаһиш едирик ки, бу мәсәлә илә мараглансынлар вә Аллаһ мәзлумун јардымчысыдыр дејә, бу мүгәддәс вәзифәјә лагејд јанашмасынлар.”
Диггәт: Лүтфән Хәбәрдән Истифадә Етдикдә Мәнбәјә Истинад Един!