Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Исверчәдә 2025-ҹи ил јанварын 1-дән етибарән иҹтимаи јерләрдә үзүнү өртмәји гадаған едән ганунун тәтбиги кими диҝәр тәлимат вә ганунлар да бу өлкәдә һәјата кечирилди.
Исвечрәдә күтләви шәкилдә “бурга-нигаб гадағасы” кими танынан иҹтимаи јерләрдә үз өртмә гадағасы даһа әввәл өлкәнин мүсәлман бирликләри тәрәфиндән ҝениш шәкилдә тәнгид едилмишдир.
Бунунла белә, Исвечрәдә һөкумәти халгдан референдумда бургаја гаршы тәшәббүсә сәс вермәмәји хаһиш етмишдир.
2021-ҹи ил мартын 7-дә Исвечрә вәтәндашлары 51,2% сәслә үз өртмәнин гадаған едилмәсинә сәс верибләр ки, бу өлкәдә үзә бурга-нигаб тахмаг рәсми вә гануни олараг гадаған едилмидир.
Гејд едәк ки, бурганы-нигабы гадаған етмәк тәшәббүсү Исвечрәдә даһа әввәл 2009-ҹу илдә бу өлкәдә јени минарәләрин тикинтисинә гадаға гојулмасыны тәләб едән екистримист јәһуди вә христиан груплары тәрәфиндән ирәли сүрүлүб.
Бу ганунун позулмасы 1000 Исвечрә франкы (тәхминән 1143 доллар еквиваленти) мәбләғиндә ҹәримә илә нәтиҹәләнә биләр.
Исвечрә беләликлә, 2025-ҹи ил јанварын 1-дән белә бир гадаға тәтбиг едән гоншулугдакы Франса вә Австрија да дахил олмагла диҝәр беш Авропа өлкәсинә гошулду.
Бу гајданын истисналарына тәһлүкәсизлик, һава вә ја сағламлыг сәбәби илә үзүн өртүлмәси дахилдир. Һәмчинин, бәдии-әјләнҹә тәләбләринә ујғун вә реклам үчүн үз өртүјүнә иҹазә верилир.
Диггәт: Лүтфән Хәбәрдән Истифадә Етдикдә Мәнбәјә Истинад Един!