Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Алманијанын
шималындакы Ҝөттинҝен шәһәриндә Түрк Ислам Бирлијинә аид бир Мәсҹид мүсәлманларын
гырғынла тәһдид едилдији "НСУ 2.0" (Милли Сосиалист Јералты Террор Тәшкилаты)
тәрәфиндән имзаланмыш тәһдид месажы алдығыны ачыглајыб. Бу месажда дејилир:
“Исламы тамамилә мәһв един! Бу чох чәкмәјәҹәк, алманлар сизлә үзләшәҹәкләр.”
Бу һадисә Алманијанын шималында Ашағы Саксонијада јерләшән бу шәһәрин мүсәлманлары арасында ҝениш паникаја сәбәб олуб. Бунунла бағлы Мәсҹидләр бирлијинин рәһбәри Мәһәммәд Ибраһим ҹүмә ахшамы вердији ачыгламада Ҝөттинҝен мүсәлманларынын нараһат олдуғуну билдириб. О, сосиал шәбәкәләрдәки һесаблары васитәсилә мүсәлманлардан баш верән һадисә илә бағлы мәнтигли олмаларыны истәјиб.
Мәһәммәд Ибраһим әлавә едиб:
“Мәсҹидләр Мәркәзи бу барәдә полисә мәлумат вериб вә шикајәт едиб. Диндарларын ибадәтләрини раһат вә тәһлүкәсиз шәкилдә јеринә јетирмәләри үчүн һәр ҹүр шәраит јарадылыб.”
Анҹаг тәәссүфлә билдирмәк лазымдыр ки, Ҝөттинҝен Мәсҹидиндә баш верәнләр 6 милјона јахын мүсәлманын јашадығы Алманијада мүсәлманлара гаршы нифрәтинин сон дәрәҹәдә олдуғундан башга бир шеј дејилдир. Бу да, Алманијада бу һадисәнин мигјасы вә мүхтәлиф формалары илә бағлы мүхтәлиф суалларын јаранмасына сәбәб олур.
Алманијада әксәријјәти мүһаҹир олан 6 милјона јахын Мүсәлман јашајыр, лакин бу өлкәдә Мүсәлман азлығына гаршы нифрәт ҝениш јајылыб. Буну Алманија парламентинин 2022-ҹи илин пајызында Берлин сакинләри үзәриндә апардығы вә динә ҝөрә ирги ајры-сечкилији, хүсусән дә Мүсәлман иҹмасыны һәдәф алан арашдырмаја әсасланан һесабаты үзә чыхарыб.
Тәдгигат әлавә едир ки, бүтүн иммигрантлар кими, мүсәлманлар үчүн ишлә тәмин олунмагда манеәләр, истисна тәтбигетмәләр вә структур ајры-сечкилији мөвҹуддур. Статистик рәгәмләрә ҝәлинҹә исә, һесабатда сорғуланан алманларын үчдә биринин мәһз мүсәлманлара гаршы нифрәт долу мүнасибәт ифадә етдији мәлум олуб.
Бу рәгәмләри Иргчилијә Гаршы Авропа Шәбәкәсинин (ЕНАР) башга һесабаты да тәсдигләјир. Белә һесабатын билдирдијинә ҝөрә, алман Мүсәлманларынын 53 фаизи белә дүшүнүр ки, ишәҝөтүрәнләр дини плүрализмә вә Ислами һәјата һөрмәт етмирләр. Еләҹә дә 2019-ҹу илдә дәрҹ едилән арашдырмада алманларын 57%-и Исламы өлкә үчүн тәһлүкә һесаб едиб.
2021-ҹи илдә Берлин мәктәбләриндә ајры-сечкилијә даир апарылан арашдырмада мүсәлман тәләбәләрин 78 фаизи диҝәр динләрә мәнсуб һәмјашыдлары илә мүгајисәдә ајры-сечкилијә мәруз галдыгларыны, хүсусән дә һиҹаблы гызлар мәнфи реаксијалар вә тәһгиредиҹи ифадәләр илә үзләшдикләрини билдирдиләр. Мүсәлманларын нифрәтдолу ифадәләр илә үзләшмәси Алманија елми һејәт үзвләри, мүәллим вә профессорлары тәрәфиндән һәјата кечирилир.
Бир чох һалларда мүсәлманлара гаршы бу нифрәт Алманијада өзүнә зоракы формалар алыр, белә ки, Алманијанын дахили статистикасына ҝөрә, 2022-ҹи илдә 610 исламафобија ҹинајәти гејдә алыныб ки, бунун да тәхминән 338-и илин сон үч ајында баш вериб. Бу ҹинајәтләр заманы 39 нәфәр јараланыб, 62 Мәсҹидә һүҹум едилиб.
Бу нифрәт тәкҹә вәтәндашларла мәһдудлашмыр, сијаси институтлара да сирајәт едир. Буну Алманија Мүсәлманлары Мәркәзи Шурасынын баш катиби Әбдүл Сәмәд Әл-Јәзиди ДW-јә ачыгламасында дејиб.
О, билдириб: “Исламофобија Бундестагда, еләҹә дә әјаләт парламентләриндә ади һала чеврилиб. Фашистләрин һәмчинин мөвҹуд демократик партијаларын нүмајәндәләринин етдији чыхышлары, даим тәкрарланыр ки, сағ ҹинаһын тәрәфдарларындан сәс ала билсинләр. Неҹә дејәрләр: Буланыг сулардан балыг тутурлар.”
Алманијанын дахили ишләр назири Ненси Фессер 2022-ҹи ил үчүн нифрәт ҹинајәтләри илә бағлы рәгәмләри ачыглајаркән, мүсәлманлара гаршы нифрәт һүҹумларынын, хүсусилә дә әксәријјәти мүсәлман олан, Алманијада сығынаҹаг ахтаран шәхсләрә гаршы һүҹумларын артмасынын һәјәҹан вериҹи олдуғу барәдә хәбәрдарлыг едәрәк билдириб:
“Мүһарибәдән вә террордан гачыб өлкәмиздә һимајә олунан инсанлара һүҹум етмәк чох гејри-инсанидир.”
Бу хәбәрдарлыглара бахмајараг, мүшаһидәчиләр һесаб едир ки, алман ҹәмијјәти мүсәлманлара гаршы нифрәт ҹинајәтләринә тез-тез ҝөз јумур. Алман Миграсија Арашдырмалары Мәркәзинин мәлуматына ҝөрә, алман ҹәмијјәтинин әксәријјәти мүсәлманлара гаршы ајры-сечкилији иргчи кими характеризә етмәкдә чәтинлик чәкир вә буна ҝөрә дә гарадәрилиләрә вә јәһудиләрә гаршы ајры-сечкилији писләдикләри гәдәр буну писләмирләр.
Һесабатда белә нәтиҹәјә ҝәлинир ки, Алманија һөкумәти мүсәлманлара гаршы сосиал нифрәт вә ајры-сечкилијә мәһәл гојмамаг мәсулијјәтинин бир һиссәсини дашыјыр, чүнки Мәркәзи Мүсәлман Шурасынын баш катибинин тәсдиг етдији кими, онлар ҹәмијјәт арасында маарифләндирмә ишини кифајәт гәдәр иҹра етмирләр.
“Алманлар мүсәлманлара гаршы иргчилик проблеминин олдуғуну етираф етмәк истәмирләр вә мүсәлманлар буну дәриндән һисс едирләр.” – дејә Әбдүл Сәмәд Әл-Јәзиди билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!