Әһли-Бејт (ә) Хәбәр Аҝентлији

мәнбә : ABNA24
bazar

29 yanvar 2023

19:26:47
1342132

Азәршәһрин Шәһид Сәлими гәсәбәсиндә заводда дәһшәтли јанғын баш вериб

Базар ҝүнү сәһәр саатларында Азәршәһр шәһәринин Шәһид Сәлими сәнаје гәсәбәсиндә истеһсалат бөлмәси јаныб.

азар ҝүнү сәһәр Шәһид Сәлими сәнаје шәһәрҹијиндә автомобил јағы тәмизләмә блоку јаныб.

Ҝүҹлү истиләр сәбәбиндән бәзи јағ чәнләри партлајыб. Хәсарәт аланлар вә ја мүмкүн тәләфатла бағлы һәләлик һеч бир мәлумат дәрҹ едилмәјиб. Гајнар јағын партламасы нәтиҹәсиндә јаранан јанғында јанғынсөндүрән машынлардан бири дә јаныб.

Шәрги Азәрбајҹанын Бөһран Вәзијјәтләриндә Идарәетмә Мәркәзинин баш директору дејиб: "Һазырда 25 јанғынсөндүрән машын Азәршәһрин Сәлими гәсәбәсиндә мотор јағы заводунун јанғыныны сөндүрүр".

Мәһәммәд Һүнәрбәр әлавә едиб: "Инди биз мотор јағы заводунда баш верән јанғынын сөндүрүлмәсинин сон мәрһәләсинә јахынлашырыг вә Тәбризин Нефт Емалы вә Нефт-Кимја Заводунун јанғынсөндүрән машынлары, бу метрополун үч јанғынсөндүрмә мәнтәгәси, еләҹә дә Бүнаб, Мәмәган, Шаһид Сәлими гәсәбәси, Гоган, Үскү вә Илыхчы шәһәрләринин јанғын сүндүрмә бригадалары бу ишә ҹәлб едилибләр.

О, гејд едиб ки, индијәдәк бу һадисә заманы бир јанғынсөндүрән түстүдән зәһәрләниб, амма вәзијјәти гәнаәтбәхшдир. Мадди зијанын мигјасы исә арашдырылыр.

Һүнәрбәр гәзанын сәбәби барәдә дә дејиб: "Гәзанын сәбәбләри арашдырылыр вә тезликлә һәр кәсә мәлум олаҹаг"

О, гејд едиб ки, Шәрги Азәрбајҹан валисинин тапшырығына әсасән, јанғынын тамамилә сөндүрүлмәси үчүн бөлҝәдәки хиласетмә вә тәҹили јардым хидмәтләри там һазыр вәзијјәтә ҝәтирилиб.

Шәһид Сәлими сәнаје шәһәрҹији Шәрги Азәрбајҹанын Азәршәһр шәһәриндә јерләшир вә Иранын шимал-гәрбиндәки ән бөјүк сәнаје мәркәзидир. Бу шәһәрҹијин 790 истеһсалат бөлмәсиндә 28 минә јахын инсан чалышыр.