Теһранын “Тәҹриш шәһидләри” хәстәханасынын баш һәкими Шәһрам Әләмдари Азәрбајҹан Республикасынын Теһрандакы сәфирлијинә едилән силаһлы һүҹум заманы јараланмыш ики сәфирлик әмәкдашынын мүалиҹәси барәдә дејиб: “Бүтүн мәшһур ҹәрраһлар, чәнә вә үз ҹәрраһлары, ҹәрраһијјә отағынын ән мәшһур мүтәхәссисләри әмәлијјата ҹәлб олунду вә әзизләримизә ән јүксәк сәвијјәдә мүалиҹә хидмәтләри тәгдим етдик.”
Теһранын “Тәҹриш шәһидләри” хәстәханасынын баш һәкиминин дедијинә ҝөрә, јаралылар үзәриндә лазымы ҹәрраһијјә әмәлијјатлары һәјата кечирилиб вә онларын вәзијјәти јахшыдыр.
Шәһрам Әләмдари Азәрбајҹанын Ирандакы сәфирлијинә силаһлы һүҹум едән ҹинајәткары зәрәрсизләшдирәркән хәсарәт алан Васиф Тағыјев үзәриндә ҹәрраһијјә әмәлијјалары барәдә дејиб: “ Мәрми чијининдән чыхарылыб вә чијин наһијјәсиндә әмәлијјат уғурла һәјата кечирилиб. Чәнә наһијјәсиндә исә зәдәләнмә чох олдуғундан әмәлијјат узун чәкди вә уғурла нәтиҹәләнди”
Шәһрам Әләмдаринин билдирдијинә ҝөрә, һадисәдә јараланан Ајхан Һаҹызадә үзәриндә исә ортопедик әмәлијјат һәјата кечирилиб вә онун да вәзијјәти јахшыдыр.
Азәрбајҹан Республикасы Хариҹи Ишләр Назирлијинин (ХИН) Мәтбуат Хидмәти Идарәсинин рәиси Ајхан Һаҹызадә дә В.Тағыјевин әмәлијјат олундуғуну тәсдигләјиб:
О, билдириб ки, әмәлијјат олунан јаралымызын вәзијјәти јахшыдыр.
Бакы медијасы Васиф Тағыјевин анасына истинадән дә онун уғурлу әмәлијјаты барәдә мәлумат јајыблар: "Васиф ахшам әмәлијјат олунуб. Бизә мәлуматы досту верир. Чијниндә ҝүллә јарасы, чәнәсиндә сыныг олуб. Әмәлијјат дөрд саат јарым ҹәкиб",- Васиф Тағыјевин анасы дејиб.
342/