Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја
Әһли-Бејт (ә) Ассамблејасынын баш катиби Ајәтуллаһ Рамазани Ҝүрҹүстана ишҝүзар сәфәр
едиб.
Ајәтуллаһ Рамазани Ҝүрҹүстанда олмагдан вә јепископ Андриа һәзрәтләри илә ҝөрүшмәкдән мәмнунлуғуну ифадә едиб. О, ҝөрүшү заманы илк өнҹә динләр арасындакы вәһдәт вә үмуми ҹәһәтләри мүзакирә етдикдән сонра Шиә вә православлыг арасындакы үмуми ҹәһәтләрә ишарә едәрәк әлавә едиб:
“Биринҹи бөјүк үмуми ҹәһәт сөзүн әсл мәнасында мәнәвијјата диггәт јетирмәкдәдир. Тәәссүфләр олсун ки, буҝүнкү дүнјада батил, ујдурма вә азғын мәнәвијјатын мејдана чыхмасынын шаһиди олуруг. Шиәликдә јалныз ағыл вә мәсулијјәтлә јанашы мәнәвијјат мәгбул сајылыр. Инанырыг ки, бу мүһүм мәсәләнин инкишафы илә әдаләт принсибләри үзәриндә әдаләтли дүнјанын реаллашмасына зәмин јаранаҹаг.
Әсасән, бүтүн динләрин маһијјәти ејнидир, “бәшәријјәти мүтләг һәгигәтә дәвәт етмәк”, чүнки бүтүн илаһи динләрин елчиләри ејни мәнбәдән бәһрәләнмишләр, она ҝөрә дә онлара һөрмәт етмәк, расионал олараг еһтирам ҝөстәрмәк ваҹибдир.”
Диггәт: Хәбәрдән Истифадә Етдикдә Мәнбәјә Истинад Лазымдыр!