Ермәниләр бу аксијалары бәһанә едәрәк тәзјиг васитәләрини хејли артырыблар. Јалныз 17 јанварда ермәниләр һәм өзләри, һәм дә гәрб өлкәләрин рәсми вә гејри-рәсми нүмајәндәләри Азәрбајҹана Лачын јолуну ачмаг үчүн тәләб вә чағырышларла чыхышлар едибләр.
Дашнак партијасынын АБШ-дакы үзвләри Вашингтонда Азәрбајҹан сәфирлијинә ҝедән јоллары бағлајыб вә Лачын јолунун ачылмасыны тәләб едирләр. Русија Федерасијасынын АТӘТ-дәки даими нүмајәндәси Александр Лукашевич Лачын јолунун Русија сүлһмәрамлыларынын нәзарәтинә верилмәсинә чағырыш сәсләндириб.
Дашнаклар Авропада да кәскин һәрәкәтләрдән чәкинмәјибләр. Франса ХИН бинасынын гаршысында саатларла етираз аксијасы кечириб, Азәрбајҹана гаршы санксија тәтбиг етмәјә, Лачын јолунун ачылмасына чағырышлар едибләр.
Һәтта Русија да бу чағырышлара гатылыб. Бу ҝүн РФ ХИН рәһбәри Серҝеј Лавров да Азәрбајҹан ХИН башчысы Ҹејһун Бајрамовла телефон данышығында Лачын јолунун тезликлә ачылмасыны билдириб. Хәбәрдә билдирилир ки, ““Русија тәрәфи 9 нојабр 2020-ҹи ил тарихиндә ән јүксәк сәвијјәдә үчтәрәфли Бәјанатда ҝөстәрилән параметрләрә ујғун олараг Лачын дәһлизи бојунҹа нәглијјатын мүмкүн гәдәр тез ачылмасынын зәрурилијини вурғулајыб”. Лачын јолунда екологларын етираз аксијасы башландығы ҝүндән бәри, Русија бу сәвијјәдә илк дәфәдир ки, мүнасибәт билдирир.
10 нојабр бәјанатыны әсас ҝөстәрән Русија вә гәрб дөвләтләри индијәдәк һәмин бәјаната ҝөрә ермәни силаһлы гүввәләринин чыхарылмамасы, азәрбајҹанлы гачгынларын ҝери гајтарылмамасына етираз билдирмәјибләр.
Белә бир шәраитдә үмуми фикри дүшүндүрән бир нечә суал ҝүндәмдәдир: Бир груп азәрбајҹанлы мүлкинин екофәал ады алтында Гарабағдакы јералты гајнагларын истисмары илә бағлы еколожи мәсәләләри ортаја атмасы Азәрбајҹан Республикасына нә газандыраҹаг?
Екофәаллар Гарабағда еколожи мәсәләләрлә бағлы сепаратчылар дејил, Русијадан нәјисә тәләб едирләрсә бу нијә рәсми Бакы тәрәфиндән Москвадан истәнилмир?Азәрбајҹан Республикасы өз әразиләри олан Ханкәнди вә онун әтраф һиссәләри барәдә нијә ҹәсарәтли тәләбләр ирәли сүрә билмир? Ханкәндиндән олан Азәрбајҹанлы дидәрҝинләрин о сырадан хоҹалы гәтлиамындан саламат гуртаранлар вә онларын өвладларынын өз доғма јурдларына гајытмаг һагларыны нијә тәләб етмир?
342/