Бу барәдә Мүдафиә Хәтти һүгуг мүдафиә тәшкилатынын һәмтәсисчиси Заур Әкбәр билдириб.
Онун сөзләринә ҝөрә, һәмчинин офисдә гәрарлашан Зија Гулијевин рәһбәрлик етдији Һүгуги Тәшәббүсләр Мәркәзи вә Мүдафиә Хәтти һүгуг мүдафиә тәшкилаты да чыхарылыб.
“Биз офисин јерләшдији Ҹаспиан Плаза бизнес мәркәзинин рәһбәрлијиндә һәр һансы бир ҝүнаһ ҝөрмүрүк. Бу һакимијјәтин репрессив сијасәтинин нәтиҹәсидир. Һакимијјәт заман-заман Ҹаспиан Плазанын рәһбәрлијинә тәзјиг едиб ки, бизим тәшкилатлары бу офисдән узаглашдырсынлар. Бәхтијар Һаҹыјевин һәбсиндән сонра бу тәзјигләр даһа да ҹиддиләшди вә декабрын 9-да офисдә Һаҹыјевин һүгугларыны иҹтимаи мүдафиә комитәсинин мәтбуат конфрансы кечирмәсинә имкан верилмәди. Нәһајәтдә јанварын сонунадәк офиси тәрк етмәмизи истәдиләр”, о гејд едиб.
Һүгуг мүдафиәчиси һесаб едир ки, Ҹаспиан Плазанын рәһбәрлијинә даһа јүксәк сәвијјәдә тәзјигләр олуб.
Заур Әкбәрин сөзләринә ҝөрә, гејри-һөкумәт тәшкилатларынын офисдән чыхарылмасы јалныз Бәхтијар Һаҹыјевә дејил, бүтөвлүкдә вәтәндаш ҹәмијјәтинә гаршы тәзјигдир.
Диҝәр тәрәфдән Тофиг Јагублу вә Бәхтијар Һаҹыјевин сијаси мәһбуслара азадлыг тәләби илә башладығы аҹлыг аксијасына исә даһа 4 нәфәр гошулуб.
АХҸП Салјан рајон тәшкилатынын сәдри Әлзамин Салајев Мүсават Партијасынын гәрарҝаһында артыг13 фәалын аҹлығы давам етдирдијини билдириб.
342/