Бу барәдә “Һуман Риҝһтс Wатҹһ” инсан һүгуглары тәшкилаты јанварын 12-дә ачыгладығы иллик һесабатында билдирир.
“Мајда һакимијјәт сијаси мотивли вә сахта иттиһамларла сахланмыш 20-дән чох шәхси азад етсә дә, азы 30 белә шәхс һәбсдә галыр. Һакимијјәт тәнгидчиләрини вә диҝәр наразы сәсләри һәдәфә алмагдадыр. Һакимијјәт һөкумәти тәнгид едән сијаси фәаллары һәбс етмәк үчүн сахта наркотик иттиһамларындан истифадә етмәјә давам едир. Бир чох һалларда онлар полис нәзарәтиндә пис рәфтара мәруз галдыгларыны билдирмишләр”, - дејә һесабатда гејд едилиб.
Һесабатда дејилир ки, мәһдудлашдырыҹы ганунларла гејри-һөкумәт тәшкилатларынын мүстәгил фәалијјәтинә манеәләр давам едир. Диҝәр давамлы инсан һаглары позунтулары сырасына систематик ишҝәнҹә, сахланма заманы пис рәфтар иддиалары, медиа азадлыгларына мәһдудијјәтләр дахилдир.
Бундан әлавә, һүгуг мүдафиә тәшкилаты өз һесабатында өтән илин сентјабрында Азәрбајҹанла Ермәнистан арасында баш вермиш инсидентдән дә јазыб.
Тәшкилат гејд едир ки, һәгигилијини тәсдигләдији бир видеода азы једди ермәни әсҝәри Азәрбајҹан гүввәләри тәрәфиндән ганунсуз едам олунуб.
“Ермәнистан азы 30 ермәни һәрби әсирин вә үч динҹ сакинин 2022-ҹи илин октјабрынадәк Азәрбајҹан әсирлијиндә олдуғуну билдирир. Азәрбајҹан һакимијјәти исә бу шәхсләри һәрби әсирләр кими танымыр, онлара террорчулуг, ганунсуз силаһ сахламаг, сәрһәди ганунсуз кечмә, 1990-ҹы илләр мүһарибәсиндә азәрбајҹанлы әсирләрә ишҝәнҹә вермә иттиһамлары ирәли сүрүб”, - дејә һесабатда билдирилир.
342/