Ален Симонјан бу барәдә дејиб: “Ермәнистан Лачын дәһлизи илә бағлы 10 нојабр 2020-ҹи ил тарихли үчтәрәфли бәјанатын тәрәфи дејил. Гарабағ һакимијјәтинин Азәрбајҹанла бирбаша данышыглар апармаг имканы вар вә онлар проблемлә өзләри мәшғул олурлар, Ермәнистан да Ханкәндинин һәр бир гәрарыны дәстәкләјәҹәк.
Ермәнистан Милли Ассамблејанын президенти журналистләрлә кечирдији брифингдә гејд едиб ки, Гарабағ һакимијјәти бу вә ја диҝәр шәкилдә Азәрбајҹан һакимијјәтинин нүмајәндәләри, еләҹә дә Русија һәрби континҝентинин нүмајәндәләри илә бирбаша әлагәдәдир.
Ермәнистанын “нијә Лачын дәһлизи мәсәләси илә бағлы Азәрбајҹанла данышыглар апармыр” суалына Симонјан белә ҹаваб вериб: “Әҝәр Ермәнистан тәрәф оларса, о заман 2020-ҹи ил нојабрын 10-да имзаланмыш үчтәрәфли бәјанаты ләғв етмиш олаҹаг”.
Онун фикринҹә, Азәрбајҹанын мәгсәди Ермәнистан әразисиндән аналожи дәһлизин ачылмасына наил олмаг үчүн Ермәнистаны бу диалога ҹәлб етмәкдир. Мәһз буну нәзәрә алараг Ермәнистанын хариҹи ишләр назири декабрда Москвада Русија вә Азәрбајҹанла нәзәрдә тутулан үчтәрәфли ҝөрүшдә иштирак етмәди.
342/