Һәзрәт Ајәтуллаһүл-үзма Хаменеи Иран Милли Дәниз Гүввәләри Ҝүнү мүнасибәтилә кечирилән бу ҝөрүшдә донанмада дөјүш ҝүҹү вә мүдафиә аваданлығынын тәкмилләшдирилмәси, узаг вә бејнәлхалг суларда навигасија кими тәдбирләрин давам етдирилмәсинин зәрурилијини вурғулајыб, силаһлы гүввәләр илә һөкумәт вә диҝәр гүввәләр арасында әлагәләрин ҝүҹләндирилмәсинин анлашма, әмәкдашлыг вә тәрәггијә көмәк едәҹәјини билдирибләр.
Ислам Ингилабынын Алимәгамлы Рәһбәри, һәмчинин Ислам вә Иран мәдәнијјәти вә сивилизасијасынын дүнјанын диҝәр бөлҝәләринә көчүрүлмәсинә сәбәб олан иранлыларын гәдим кечмишдәки дәнизчилик тарихинә тохунараг, гејд едибләр ки, бу тарихә вә Иранын шималында вә хүсусилә ҹәнубунда узун дәниз саһилләринә бахмајараг, өлкәдә дәнизин имканларындан истифадә етмәк мәдәнијјәти диггәтдән кәнарда галыб вә үмуми мәдәнијјәтә чеврилмәлидир.
О, Һәзрәт бу саһәдә мәдәнијјәтин јарадылмасыны вә әсас инфраструктур кими дәниз һаггында үмуми анлајышын јарадылмасыны зәрури сајараг, сон бир нечә илдә Мәкран чимәрликләринин инкишафынын мүзакирә едилдијини вә бунун һөкумәтләр тәрәфиндән дә мүсбәт гаршыландығыны, лакин бу мәсәләдә ҹидди ирәлиләјишин мәдәнијјәт гуруҹулуғу тәләб етдијини билдирибләр.
Али Мәгамлы Рәһбәр чыхышынын диҝәр бир һиссәсиндә бәдии истеһсалы, о ҹүмләдән анимасијаны дәнизин мүхтәлиф имканларынын таныдылмасында тәсирли адландырыб вә бујурублар: "Бәдии әсәрләрдән бәһрәләнмәк вә өлкәнин дәниз әсаслы инкишаф потенсиалыны истәр һәрби, истәрсә әд мүлки секторларда танытмагла вәтәндашларда бу имканлардан истифадә етмәк һәвәси артаҹаг.
Бу ҝөрүшдә ордунун Һәрби Дәниз Гүввәләринин команданы контр-адмирал Шәһрам Ирани бу гүввәләрин мүхтәлиф секторлардакы һәрәкәтләри вә планлары һаггында һесабат тәгдим едиб.
342/