Зәрдүшт Әлизадә дејиб: “Гәрб дипломатлары билир ки, Азәрбајҹанда дөвләт јохдур, чүнки дөвләтин ганунлары дејил, тәк Илһам Әлијевин ирадәси ишләјир. Билирләр ки, Азәрбајҹанын сәрвәтини тәк Илһам Әлијев бөлүр, неҹә вә кимә нә гәдәр бөлүр, Гәрб һамыдан јахшы билир. Ҝөзәл билир ки, дөвләтин мүәјјән гурумлары зәр вә зор ҝүҹүнә вәтәндаш ҹәмијјәтинин партија, һәмкарлар вә ГҺТ дејилән гурумларыны мәһв едибләр ки, әһали пәрән-пәрән галсын. Ҝөрүрләр ки, мәһз Илһам Әлијевин ҝөстәриши илә полис вәтәндашлары дөјүр, онлара өләнә гәдәр ишҝәнҹә верир. Әминдирләр ки, мәһкәмәләрин виҹдансыз мәхлугаты Илһам Әлијевин ҝөстәриши илә сечиб-топлајыб мәһз һаким зүмрәнин ағалығыны горумаг мәгсәдилә вәтәндашлары әзиб сујуну чыхарырлар. Һеч шүбһә етмирләр ки, инди дөвләтдә дәләдузларын хејринә ишләјән гајда-гануну мәһз Илһам Әлијев ҹәнаблары јарадыб вә горујур”.
Политолог гејд едиб ки, әҝәр Азәрбајҹанда шүурлу вә шәрәфли вәтәндашлар әксәријјәтдә олсајды, Илһам Әлијев нәинки Азәрбајҹаны белә идарә едә билмәзди, һәтта Илһам Әлијев адлы Азәрбајҹан президенти белә олмазды.
342/