АБШ-ын һәрби рәсмиләри дејирләр: "Биз мүһарибәнин ики вә ја үч ҝүндән даһа узун сүрмәјәҹәјини зәнн едирдик. Амма инди 9 ај кечир. Бу узанма бизи Украјнаны еһтијаҹ дујдуғу силаһларла тәмин етмәк үчүн ҹидди проблемләр вә чатышмазлыгларла үзләшдириб".
ҸНН телевизија каналы илк дәфә олараг, Украјнанын АБШ-дан һәрби мүраҹиәтләринин сијаһысыны ачыглајыб. Каналын һәрби експерти АБШ-ын артыг Украјнанын еһтијаҹларыны өдәјә билмәмәсиндән ҹидди нараһатлыг ифадә едиб.
Индијә гәдәр Америка өзүнүн еһтијаҹ дујдуғу һиссәләр истисна олмагла Украјнанын еһтијаҹлы олдуғу бүтүн һәрби техникалары тәмин едирди.
Анҹаг Украјна президенти даһа чох көмәк истәјир.
Зеленски дејиб: "Бизә габагҹыл вә еффектив һава һүҹумдан вә ракетдән мүдафиә системләри лазымдыр".
АБШ-ын мүдафиә назири Аустин вурғулајыб ки, өлкәсинин Украјнаја һәрби јардымлары әслиндә АБШ-ын тәһлүкәсизлијини горумаг үчүн јатырымдыр.
О, АБШ-ын инидјә кими Украјнаја 18,30 милјард доллар јардым етдијини ачыглајараг, бу просесин давам едәҹәјини сөјләјиб.
Бу елә бир һалдадыр ки, тезликлә АБШ Нүмајәндәләр Палатасынын әксәријјәтини әлә кечирәҹәк Республикачылар билдирибләр ки, Украјнаја милјардларла доллар јардымын неҹә ҝөндәрилдијини јохлајыб арашдыраҹаглар вә бу просесин дајандыраҹаглар.
342/