Владимир Путин бу барәдә КТМТ-нин Ирәванда кечирилән иҹласында дејиб: “Биз Азәрбајҹан, Ермәнистан вә Русија Федерасијасы лидерләринин октјабрын сонунда Сочидә кечирилән саммитини мүсбәт гијмәтләндиририк. Баш тутан данышыглар фундаментал мәсәләләр үзрә ҝәләҹәк компромисләр үчүн јахшы зәмин јарадыб”.
О, Азәрбајҹан вә Ермәнистан тәрәфинин һансы мәсәләләрдә компромисә ҝетмәли олдугларына ајдынлыг ҝәтирмәјиб.
Русија дөвләт башчысы һәмчинин васитәчилик миссијасыны өз нәзарәтиндә сахладығыны вә Брүссел форматынлн һәдәр бир шеј олдуғуну мүнагишә тәрәфләринин диггәтинә чатдырыб.
Онун сөзләринә ҝөрә, бирҝә бәјанатда 2020 вә 2021-ҹи илләрдәки үчтәрәфли разылашмалара садиглик бир даһа тәсдигләнмишдир.
Путин һәмчинин бөлҝәдә сүлһүн шәртләрини ачыглајыб.
“Јалныз сәрһәдләрин делимитасијасы, нәглијјат коммуникасијаларынын ачылмасы вә һуманитар проблемләрин һәлли илә бағлы бу сазишләри ардыҹыл шәкилдә јеринә јетирмәклә Ермәнистанла Азәрбајҹан арасында мүнасибәтләрин нормаллашмасына наил олмаг олар. Үмид едирик ки, бу, сонда Ирәванла Бакы арасында сүлһ мүгавиләсинин бағланмасына ҝәтириб чыхараҹаг”, - дејә Русија президенти вурғулајыб.
342/