Полшанын "ЗЕТ" радиосу чәршәнбә ахшамы иддиа едиб ки, 2 рус ракети Полшанын шәргиндә, Украјна илә сәрһәддә јерләшән Лубелски Војеводалығы реҝионундакы Пшеводув кәндинә дүшүб.
"ЗЕТ" радиосу бу әразиләрә дүшән ракетләрин 2 нәфәрин өлүмүнә сәбәб олдуғуну билдириб.
Полшанын хариҹи ишләр назири Збигнев Рао чәршәнбә ҝүнү Русијанын Варшавадакы сәфири Серҝеј Андрејеви изаһат үчүн Полшанын Хариҹи Ишләр Назирлијинә чағырыб.
Ејни заманда, Русија Мүдафиә Назирлији Полша ракетләринин Полша әразисинә дүшдүјүнү тәкзиб едәрәк, бу ҹүр хәбәрләри "вәзијјәти ҝәрҝинләшдирмәјә јөнәлмиш гәсдән тәхрибат" кими характеризә едиб.
Русија Мүдафиә Назирлији билдириб ки, Украјна вә Полша сәрһәди јахынлығындакы мөвгеләрә Русија гүввәләри тәрәфиндән һеч бир һүҹум едилмәјиб.
Полша президентинин рәсми сөзчүсү Пиотр Муллер дә дејиб ки, өлкәси НАТО Низамнамәсинин 4-ҹү маддәсинин тәтбигини нәзәрдән кечирир.
Һәрби алјансын тәсис мүгавиләсинин 4-ҹү маддәсинә әсасән, үзвләрдән һәр һансы биринин фикринҹә, әрази бүтөвлүјү, сијаси мүстәгиллији вә ја тәһлүкәсизлији тәһдид едилдији заман тәрәфләр бирҝә мәсләһәтләшмәләр апараҹаглар.
342/