Иран Хариҹи Ишләр Назирлијинин сөзчүсү Насир Кәнани шәнбә ҝүнү вердији ачыгламада, Иран әлејһдары олан шәхс вә онун јолдашлары илә ҝөрүшүнә ҝөрә Макрону тәнгид атәшинә тутуб вә дејиб: "Азадлығы дәстәкләдијини иддиа едән бир өлкәнин президентинин сәвијјәсини ашағы салмасы вә сон ајларда Иран Ислам Республикасында, һәмчинин онун дипломатик нүмајәндәликләринә, еләҹә дә Ислам Республикасынын хариҹдәки дипломатларына гаршы ачыг-ашкар нифрәт, зоракылыг вә террор актлары јајмаға чалышан мәнфур пијада илә ҝөрүшмәси тәәҹҹүб доғурур".
Кәнани Макронун бу инсанларын башчылыг етдији гондарма ингилабы дәстәкләдијинә даир бәјанатларыны да тәәссүфләндириҹи вә утанҹвериҹи адландырыб вә бу бәјанатлара кәскин етиразыны билдириб.
Кәнаани әлавә едиб ки, бу ҝөрүш Франсанын терроризм вә зоракылыгла мүбаризә саһәсиндә бејнәлхалг өһдәликләринин кобуд шәкилдә позулмасыдыр вә бу чиркин һадисәләрин тәблиғи кими гијмәтләндирилир.
О, сонда вурғулајыб ки, бу ҹүр анти-Иран тәдбирләри, шүбһәсиз ки, бәзи Авропа лидерләринин сечиҹи вә инсан һагларына зидд јанашмаларыны јахшы билән бөјүк Иран халгынын јаддашында галаҹагдыр.
Макрон ҹүмә ҝүнү Јелисејдә Мәсиһ Әлинежад да дахил олмагла, АБШ-да јерләшән бир сыра анти-Иран үнсүрләрлә ҝөрүш кечириб.
Ҝөрүшдә Франса президенти Иранда баш верән сон иғтишашлары "ингилаб" адландырыб.
342/