Нед Прајс ҝүндәлик мәтбуат конфрансында Базар ертәси Вашингтонда Азәрбајҹан вә Ермәнистан хариҹи ишләр назирләринин ҝөрүшүндә онларын һәм дә данышыглары сүрәтләндирмәк барәдә разылыға ҝәлдикләрини дејиб.
Онун сөзләриинә ҝөрә, ҝөрүшүн диҝәр уғуру назиләрин ҝүнүн сонунда бирҝә бәјаннамә һаггында разылыг әлдә етмәјә мүвәффәг олмалары олуб.
АБШ Дөвләт Департаментинин рәсми нүмајәндәси Азәрбајҹан Республикасы вә Ермәнистана данышыглар үчүн јер вә имкан јаратдығыны билдириб ејни заманда 10 нојабр бәјаннамәсинә ејһам вурараг “Биз онлара имзаламаг үчүн һазыр сәнәд тәгдим етмирик.” Дејиб.
Нед Прајс АБШ-ын ҝуја хејирхаһ нијјәтләрлә тәрәфләри разылыға ҝәлмәк үчүн өз башына бурахдығыны вә онлара нәјисә дикте етмәдијини инандырмаға чалышса да сөзләрини белә давам етдириб: "Бирләшмиш Штатлар бу просесләрә көмәк етмәк үчүн әлиндәки васитәләрдән вә нүфузундан, хејирхаһ хидмәтләриндән, бу бинада вә бүтүн бу һөкумәтдә мөвҹуд олан билик вә тәҹрүбәдән истифадә етмәлидир".
Гејд едәк ки, 2-ҹи Гарабағ мүһарибәсиндән өтән сон 2 ил әрзиндә Ҹәнуби Гафгазда өз нијјәтләрини һәјата кечирмәк истәјән Минск Групунун башчылары, Авропа, Америка вә Русија артыг һәмсәдрләрини Бакы вә Ирәвана ҝөндәрмәсәләр дә Азәрбајҹан вә Ермәнистан рәсмиләрини тез тез Москва, Сочи, Брүссел, Прага вә Вашингтона чағырыр вә беләликлә Ҹәнуби Гафгазда давамлы сүлһүн бәргәрар олунмасыны әнҝәлләмәјә чалышырлар.
342/