Әһли-Бејт (ә) Хәбәр Аҝентлији

мәнбә : ABNA24
cümə

4 noyabr 2022

17:50:02
1320208

Комиссијаларын фәалијјәтинин разылашдырылаҹағы разылашдырылыб!

Брүсселдә Азәрбајҹан Республикасы илә Ермәнистан арасында ҝөрүшләрин давам етдији ҝөрүнтүсүнү јаратмаг мәгсәди илә нөвбәти нәтиҹәсиз ҝөрүш баш тутуб.

Нојабрын 3-дә Брүссел шәһәриндә Азәрбајҹан Республикасынын Баш назиринин мүавини Шаһин Мустафајев вә Ермәнистан Республикасынын Баш назиринин мүавини Мһер Григорјанын сәдрлији алтында, мүвафиг олараг, Азәрбајҹан Республикасы вә Ермәнистан Республикасы арасында дөвләт сәрһәдинин делимитасијасы үзрә Дөвләт Комиссијасынын вә Ермәнистан Республикасы илә Азәрбајҹан Республикасы арасында дөвләт сәрһәдинин делимитасијасы вә сәрһәд тәһлүкәсизлији мәсәләләри үзрә Комиссијанын үчүнҹү иҹласы кечирилиб.

АИ-нын Ҹәнуби Гафгазда өз нүфузуну горујуб сахламаг мәгсәди илә тәшкил етдији бу ҝөрүш дә өтәнки ҝөрүшләр кими конкрет бир нәтиҹә олмадан баша чатыб.

Ҝөрүш барәдә јајылан мәлуматда дејилир ки, комиссијаларын бирҝә фәалијјәтинин һүгуги чәрчивәләрини мүәјјән етмәк мәгсәдилә, тәрәфләр Азәрбајҹан Республикасы вә Ермәнистан Республикасы арасында дөвләт сәрһәдинин делимитасијасы үзрә Дөвләт Комиссијасынын вә Ермәнистан Республикасы илә Азәрбајҹан Республикасы арасында дөвләт сәрһәдинин делимитасијасы вә сәрһәд тәһлүкәсизлији мәсәләләри үзрә Комиссијанын бирҝә фәалијјәт гајдасынын разылашдырылмасы үзрә иши сүрәтләндирмәк барәдә разылыға ҝәлибләр.

Башга “разылыг” барәдә исә мәлуматда белә дејилир: Тәрәфләр Комиссијаларын дөрдүнҹү иҹласынын кечирилмәсинин тарихи вә јерини ишчи гајдада мүәјјән етмәк барәдә разылыға ҝәлибләр.

Авропа Иттифагынын Хариҹи Фәалијјәт Хидмәти исә ҝөрүш барәдә бу реклам характерли мәлуматла кифајәтләниб: "Бу ҝөрүш Авропа Иттифагы Шурасынын сәдри Шарл Мишел, Президент Илһам Әлијев вә баш назир Никол Пашинјан арасында Брүсселдә үчтәрәфли ҝөрүшләр заманы әлдә олунмуш јүксәк сәвијјәли разылашмалардан сонра кечирилир. Тәрәфләр сәрһәдлә бағлы мәсәләләрин һәлли, һабелә тәһлүкәсизлик вәзијјәтинин јахшылашдырылмасы үзәриндә иши давам етдирмәјә һазыр олдугларыны бәјан едибләр”.

342/