АБШ Дөвләт Департаменти Азәрбајҹан вә Ермәнистан лидерләрини “онлар үчүн әлверишли олан истәнилән форматда ҝөрүшмәјә” чағырыб. Буну Вашингтонда брифинг заманы Дөвләт Департаментинин нүмајәндәсинин мүавини Ведант Пател билдириб.
"Дөвләт катиби Ентони Блинкен гејд едиб ки, АБШ Ермәнистанла Азәрбајҹан арасында сүлһ данышыгларына садигдир вә биз һәр ики лидери онлар үчүн әлверишли форматда ҝөрүшмәјә чағырыр.
Пател октјабрын 31-дә Сочидә Владимир Путинин иштиракы илә кечириләҹәк Әлијев- Пашинјан ҝөрүшү илә бағлы Туран-ын мүхбиринин суалынын ҹавабында дејиб: “Бизим нөгтеји-нәзәримиз ондан ибарәтдир ки, бирбаша диалог бу мәсәләләрин һәлли вә давамлы сүлһә наил олмаг үчүн ачардыр. Ҹәнуби Гафгазда үч өлкәнин суверенлији вә мүстәгиллијиндә, о ҹүмләдән 1991-ҹи илдә Совет Иттифагы дағыландан сонра Ермәнистан, Азәрбајҹан вә Ҝүрҹүстанын мүстәгилликләринин бәрпасында АБШ-дан бөјүк тәрәфдар јохдур. Бу, өлкәләрин һәр биринин өз хариҹи сијаси марагларыны вә суверенлијини һәјата кечирмәк һүгугуна зәманәт вериб".
Мүшаһидәчиләр исә билдирирләр ки, АБШ-ын Ҹәнуби Гафгазла бағлы стратеҝијасы бирбаша Русијанын арха бахчасына ҝирмәјә көкләниб вә 30 ил бојунҹа Ермәнистанын јанында олан бу дөвләтин һазырда сәрҝиләдији мөвге ријакарлыгдан башга бир шеј дејил. Бунунла әлагәдар Азәрбајҹанла Ермәнистаны бирбаша диалог гурмаға чағырмагла Бирләшмиш Штатлар онлары Русијанын васитәчилијиндән имтина етмәјә тәшвиг едир.
Русија Хариҹи Ишләр Назирлијинин мәтбуат катиби Марија Захарова Ермәнистанда ҝедән просесләр вә Азәрбајҹан-Ермәнистан мүнасибәтләринин нормаллашмасында Гәрбин ролу барәдә ачыгламаларында Прагада әлдә олунан разылашмалары Гәрбин Украјнаја “мүдахиләси” илә мүгајисә едиб.
Азәрбајҹанда исә һесаб едирләр ки, бу садәҹә оараг бир ојундур вә Ағ Евин мәгсәди Минск Групуну бәрпа етмәк, Гарабағын статусуну ҝүндәмә салмаг вә нәтиҹә етибары илә Азәрбајҹаны тәләјә салмагдыр.
342/