Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, НАТО-нун баш
катиби Јенс Столтенберг Түркијә илә Исвеч арасындакы әмәкдашлыгдан мәмнунлуғуну
ифадә едиб. О әлавә едиб ки, тезликлә Түркијәјә сәфәр едәҹәк вә президент Рәҹәб
Тајјиб Әрдоғанла ҝөрүшәҹәк.
Ј.Столтенберг Румынијанын баш назири Николае Чука илә НАТО-нун мәнзил-гәрарҝаһында кечирдији ҝөрүшдән сонра тәшкил едилән мәтбуат конфрансында ҝүнүн актуал мөвзуларына тохунуб.
НАТО-нун баш катиби гејд едиб ки, тәшкилат мүһарибәнин нә гәдәр давам етмәсиндән асылы олмајараг, Украјнаны дәстәкләјәҹәк.
Исвеч вә Финландијанын НАТО-ја үзвлүјү илә бағлы суалы ҹавабландыран Ј.Столтенберг дејиб: “Исвеч вә Түркијәнин бирҝә меморандуму һәјата кечирмәк үчүн бирҝә чалышмасыны алгышлајырам”.
Исвечин баш назири Улф Кристерссонун деталлары мүзакирә етмәк үчүн Р.Т.Әрдоғанла ҝөрүшәҹәјини хатырладан баш катиб әлавә едиб: "Мән тәзликлә Түркијәјә ҝедәҹәјәм вә президент Рәҹәб Тајјиб Әрдоғанла ҝөрүшәҹәјәм".
Ј.Столтенберг бүтүн НАТО өлкәләринин парламентләринин Финландија вә Исвечин Шимали Атлантика Алјансына дахил олмасыны тәсдигләјәҹәјинә әминлијини ифадә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!