Әмир Абдуллаһиан Нју-Јоркда БМТ Баш Ассамблејасы иҹласы чәрчивәсиндә суријалы һәмкары Фејсәл Әл-Мигдад илә кечирилән ҝөрүшдә Ирана гаршы санксијаларын арадан галдырылмасы үчүн апарылан данышыгларла бағлы дејиб: "Иран вә АБШ арасында месаж мүбадиләси бәзи хариҹи ишләр назирләри вә координатор васитәсилә давам едир".
О, Иранын мәнтиги јанашма илә дипломатик јолда ҝетдијини вә Иранын игтисади фајдаларыны тәмин едән давамлы разылашманын ваҹиблијини вурғулајыб.
Әмир Абдуллаһиан Сурија ишләринә хариҹи мүдахиләни вә реҝионда сабитлији позан аддымы рәдд едиб вә гејд едиб ки, Иран вә Суријанын терроризм вә екстремизмлә мүбаризәдә сон илләрдәки әмәкдашлығы вә ејни заманда Астана просесинин гарант өлкәләри форматындан истифадә етмәси Суријаја сүлһ вә әмин-аманлығын гајытмасыны сүрәтләндириб.
Фејсәл Әл-Мигдад да өз нөвбәсиндә Ирана реҝионда сүлһ вә тәһлүкәсизлијин бәргәрар едилмәсинә вә террорла мүбаризәјә вердији мүһүм төһфәјә ҝөрә тәшәккүр едиб.
Онун сөзләринә ҝөрә, Дәмәшг Гәрбин Суријаја гаршы гејри-гануни вә мәҹбуредиҹи тәдбирләринин тәсирләринә гаршы чыхмаг үчүн Иранла игтисади вә тиҹарәт әмәкдашлығыны вурғулајыр.
Реҝионал һадисәләр, о ҹүмләдән әрәб дөвләтләринин Суријанын Әрәб Лигасына јенидән гошулмасы тәшәббүсләри, Фәләстиндәки вәзијјәт вә Украјна бөһраны да дахил олмагла бејнәлхалг һадисәләр дә ики хариҹи ишләр назирләринин мүзакирә етдији мәсәләләр арасында олуб.
342/