Иранын хариҹи ишләр назири Һүсејн Әмирабдоллаһиан Нју-Јоркда БМТ Баш Ассамблејасынын 77-ҹи сессијасы чәрчивәсиндә Азәрбајҹан Республикасынын хариҹи ишләр назири Ҹејһун Бајрамов илә ҝөрүшүб.
Ҝөрүш заманы тәрәфләр икитәрәфли әлагәләр вә Гафгаз реҝионунда баш верән сон һадисәләри мүзакирә едиб вә фикир мүбадиләси апарыблар.
Әмир Абдуллаһиан бу ҝөрүшдә Гафгаз реҝионунда баш верән дәјишикликләрлә бағлы бәзи хәбәрләр вә дәлилләр барәдә данышараг, Иран Ислам Республикасынын реҝионун ҝеосијаси хәритәси вә сәрһәдләриндә истәнилән дәјишиклијә гаршы ачыг вә гәтијјәтли мөвгејини тәкрарлајыб.
Иранын хариҹи ишләр назири мүхтәлиф саһәләрдә икитәрәфли мүнасибәтләрдә сон инкишаф просесини нәзәрдән кечириб вә ики өлкә арасында сон бир илдә гаршылыглы сәфәрләр вә разылашмалары мүсбәт вә мүтәрәгги адландырыб.
Хариҹи ишләр назири әлавә едиб ки, Иран Ислам Республикасы фикир ајрылыгларынын сүлһ јолу илә һәллинә көмәк етмәк үчүн мүнагишәнин һәр ики тәрәфи кими, Азәрбајҹан Республикасы вә Ермәнистан Республикасынын рәсмиләри илә мәсләһәтләшмәләр апармаға һазырдыр.
Ҝөрүшдә Азәрбајҹанын хариҹи ишләр назири дә икитәрәфли мүнасибәтләрдә мөвҹуд олан мәсәләләрә тохунараг, гаршылыглы мәсләһәтләшмәләрин вә әмәкдашлығын әһәмијјәтини вурғулајыб.
О, реҝионда ҝеосијаси дәјишикликләрлә бағлы иддиалары рәдд едиб вә гејд едиб ки, өлкәси Ермәнистанла әрази вә сәрһәд мүбаһисәләрини реҝионал әмәкдашлыг јолу илә һәлл етмәјә чалышыр.
342/