Јени Ҝүнәшлидән дахил олан мәлуматлара ҝөрә, Һәзрәт Фатимеји-Зәһра(с) мәсҹидинә һөкмранлыг емәк үчүн Азәрбајҹан Республикасынын дини гурумларла иш үзрә дөвләт комитәси тәрәфиндән гојулмуш ахунд вә ахунд мүавини кими намәлум шәхсләр вәһһаби вә нурчу әгидәләринә маликдирләр.
Бу мәлуматлара әсасән, Азәрбајҹан Республикасынын дини гурумларла иш үзрә дөвләт комитәси вә тәһлүкәсизлик гүввәләринин һәмин һәрәкәтинә гаршы чыхан Һәзрәт Фатимеји-Зәһра(с) мәсҹидинин имам ҹамааты Һаҹы Сурхај вә мәсҹидин иҹра мүдири Һаҹы Илгар һәмин гүввәләрин зоракылығы илә үзләшибләр.
Һәзрәт Фатимеји-Зәһра(с) мәсҹиди, мәсҹидин Һәзрәт Фатимеји-Зәһра(с)-нын ады илә адландырылмасына ҝөрә, ијирми ил бундан өнҹәдән Азәрбајҹан Республикасынын һаким даирәләриндәки анти-шиә үнсүрләрин һәдәфинә туш ҝәлибдир. Белә ки, онлар өнҹә Јени Ҝүнәшли гәсәбәсини јенидән гурмаг бәһанәсилә бу мәсҹиди дағытмаг истәдиләр, лакин гәсәбә сакинләринин вә мәсҹидин идарә һејәтинин мүгавимәтилә әзиз Ислам Пејғәмбәри(с.ә.с)-ын гызынын ады илә бәзәнмиш бу Аллаһ евинини дағыдылмасынын гаршысы алынды.
Сонралар Бакы игтидары мәсҹидин јенидән гурулмасына малијјә јардымы бәһанәсилә бу мәсҹиди руһаниләрин вә халг идарә һејәтинин мүдиријјәти алтындан чыхарыб, мәсҹиддә Рамазан ајы вә Мәһәрәмлик ајларында Имам Һүсејн(ә) әзадарларынын әзәмәтли топлантысынын гаршысыны алмаг үчүн мәсҹиди лаик вә секулар үнсүрләрин ихтијарына вермәк истәди ки, бу һијләләр дә баш тутмады.
Мәсҹидләрин имам ҹамаатларынын дәјишдирилмәсиндә Гафгаз Мүсәлманлары Руһани Идарәсинин ихтијарларынын Азәрбајҹан Республикасынын дини гурумларла иш үзрә дөвләт комитәсинә һәвалә олунмасы вә дини етигад азадлығы ганунунун дәјишдирилмәси бәһанәсилә Һәзрәт Фатимеји-Зәһра(с) мәсҹидинә гаршы басгынларын јени мәрһәләсиндә мәсҹид јерли әһалинин гәбул етдији руһани вә идарә һејәтинин идарәчилијиндән чыхарылыб, вәһһаби мәсләкли вә нурчу үнсүрләрин ихтијарына верилибдир.
Верилән мәлуматлара ҝөрә, бу мәсҹиддә вә Јени Ҝүнәшли гәсәбәсиндә репрессија вә хәфијјә вәзијјәти һөкм сүрүр.
342/