Һүсејн Әмир-Абдуллаһијан гејд едиб ки, разылашмаја наил олмаг, Америка вә үч Авропа өлкәси тәрәфиндән лазыми ирадә, реаллыг вә хошмәрамлылыг тәләб едир.
Иран Ислам Республикасынын хариҹи ишләр назири сонра вурғулајыб: Разылашманын сајәсиндә Ирана гаршы биртәрәфли санксијалар арадан галдырылмалы вә МАГАТЕ-дә Иран әлејһинә нүвә иттиһамы иши гапанмалыдыр.
Әмир-Абдуллаһијан Ирландија Республикасынын хариҹи ишләр назири илә ҝөрүшдә һәмчинин ики өлкә башчылары арасында јарадылан әлагәләр сәвијјәсиндән разылыг едиб вә сөјләјиб: Иранла Ирландија арасындакы әлагәләрин һәртәрәфли шәкилдә јүксәлдилмәси үчүн һеч бир манеә јохдур вә игтисади, парламент вә дипломатик тәмаслар васитәсилә икитәрәфли әлагәләри даһа да ҝенишләндирмәк лазымдыр.
Ирландија Республикасынын хариҹи ишләр назири Сајмон Ковни дә бу ҝөрүшдә өлкәсинин Иран Ислам Республикасы илә әлагәләри дәринләшдирмәк үзрә тәмајүлүнә ишарә едиб. Билдириб ки, ики өлкәнин тиҹари вә игтисади әлагәләринә чешидлилик бәхш етмәк үчүн бөјүк бир тәмајүл вардыр.
Сајмон Ковни сонра Вјана мүзакирәләринә ишарә илә разылашмаја наилолманы бүтүн тәрәфләр, еләҹә дә бејнәлхалг иҹтимаијјәт үчүн әлверишли бир фүрсәт адландырыб.
342/