Әһли-Бејт (ә) Хәбәр Аҝентлији

мәнбә : ABNA24
cümə axşamı

22 sentyabr 2022

20:50:59
1307378

"Төвсијә едирик ки, проблемләринизи данышыг јолу илә һәлл един"

Иран Ислам Республикасы Силаһлы Гүввәләринин Баш Гәрарҝаһ рәиси Азәрбајҹан вә Ермәнистана чағырыш едиб.

Иран Силаһлы Гүввәләринин Баш Гәрарҝаһ рәиси Мәһәммәд Багири дејиб: “Ики гоншу өлкә Ермәнистан вә Азәрбајҹана проблемләрини динч вә данышыг јолу илә һәллинә төвсијә едирик.”

Ҹәнаб Багири бу ҝүн Иранда кечирилән һәрби парад заманы чыхышында бу ачыгламаны вериб.

Реҝионун јени бир гаршыдурмаја таб ҝәтирә билмәјәҹәјини дејән иранлы ҝенерал, өлкәсинин реҝионда сәрһәдләрин дәјишикликләрә мәруз галмасына дөзүм ҝөстәрмәјәҹәјини вурғулајыб.

Мәһәммәд Багири һәмчинин Фарс Көрфәзиндә јерләшән әрәб өлкәләрини “сионистләрин фитнәсини диггәтдә сахламаға” чағырыб. “Сионистләрин реҝионда мөвҹудлуғу тәһлүкәсизлијә хәләл ҝәтирир. Биз кәшфијјат мониторинг нәзарәтилә онлары нәзарәтдә сахлајырыг. Әҝәр тәһдид ҝөрсәк сионистләрә вә онларын һавадарларына ҹаваб верәҹәјик", - дејә Багири әлавә едиб.

342/