чыхарылан һөкмә ҝөрә, ләғв едилмиш Милли Тәһлүкәсизлик Назирлијинин Истинтаг Идарәсинин кечмиш рәиси, ҝенерал-мајор Мөвлам Шыхәлијев 12 ил мүддәтинә азадлыгдан мәһрум едилиб. Онун мүавини Јасин Мәммәдов 10,5 ил мүддәтинә ҹәза алыб. Истинтаг Идарәсинин 2-ҹи шөбәсинин кечмиш рәиси Вүсал Әләкбәров 11 ил 2 ај, һәмин идарәнин криминалистика шөбәсинин рәис мүавини Саһиб Әләкбәров исә 8 ил мүддәтинә азадлыгдан мәһрум едилиб.
Онларын һамысы иш адамларындан һәдә-горху илә пул тәләб етмәкдә вә үмумиликдә 17 милјон маната јахын вәсаити мәнимсәмәкдә ҝүнаһкар билинибләр. Ҹинајәт ишиндә 32 зәрәрчәкмиш шәхс кечир.
Азәрбајҹан Республикасынын ҹинајәткарлыг вә коррупсија илә мүбаризә етмәли олан ән әсас вә ән һәссас кәшфијјат органынын ҝүнаһсыз вәтәндашлары сојмагла мәшғул олмасы бу өлкә дә рүшвәтхорлуғун, һакимијјәтдахили мүтәшәккил ҹинајәткар групларын ҝениш фәалијјәтиндән хәбәр верир. МТН о гәдәр чиркаба алышмышды ки, артыг олун ислаһы мүмкүн олмадығындан бу назирлик бурахылды.
Вахташыры олараг дөвләт гурумларында коррупсија һаллары ашкар едилсә вә ҹинајәткар мәмурлар сахланылса да, дөвләт органларында коррупсија ҝүн-ҝүндән дәринләшир.
342/